Matiu 9:15 - Edo Bible (E Baibol Ẹdo) Version 1996

¹⁵ Jesu wanniẹn tama iran wẹẹ, “Wa yayi ighe ọ kere ne emwa ne a tie do rri evbare irhiọha gha khiẹ vbe ọdafẹn ọha rre evba ra? Hiehie re! Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni, iran sẹtin gha ya ohanmwẹ rrie egbe.

Matiu 9:15 ပူးပေါင်းရင်းမြစ်များ

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Matiu 9:14

Avbe erhuanegbe Jọn ne Ọsamẹ keghi bu Jesu gha dee do nọ rẹn wẹẹ, “Vbe a na miẹn hẹ yi wẹ, ma kevbe avbe Farisi wa yo aguẹ ẹghẹ hia sokpan, erhuanegbe ruẹ i yo hiehie?”

Matiu 9:16

Ọmwa i ra rhie ukpọn ọgbọngbọn ya te ẹwu nọ rẹnhuan nẹ, rhunmwuda, te ne a ya tẹe ni ra yuo fua vbọ, ukpọn ni ghi vbe dọlegbe yanghan sẹ ayọ.

Iyẹn ne ọ Maan Ọghe Mak 2:19

Jesu wanniẹn iran ẹmwẹ wẹẹ, “Wẹ yayi ighe ọ kere ne emwa ne a tie do rri evbare irhiọha gha ya ohanmwẹ rriegbe vbe ọdafẹn ọha rre evba? Hiehie re. Ugbẹn vbe a miẹn wẹ ọdafẹn ọha gue iran rre evba, iran i danmwẹ ọẹn.

Iyẹn ne ọ Maan Ọghe Mak 2:20

Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni, iran sẹtin gha ya ohanmwẹ rri egbe.

Iyẹn ne ọ Maan Ọghe Luk 17:22

Ẹkpo nii ọre ọ na kha ma avbe erhuanegbe ẹre wẹẹ, “Ẹghẹ dee ne uwa gha na gha ho ne uwa miẹn ẹdẹ ọkpa ne ọ ye vbe ẹghẹ ọghe Ovbi Ọmwa, sokpan wa i ra miẹn ọẹn.

Iyẹn ne ọ Maan Ọghe Luk 5:34

Jesu wanniẹn tama iran wẹẹ, “Wa gha sẹtin wẹ ne emwa ne a tie do rri evbare irhiọha gha ye ohanmwẹ rri egbe vbe ọdafẹn ọha gu iran re evba? Hiehiere!

Iyẹn ne ọ Maan Ọghe Luk 5:35

Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni ohanmwẹ gha gbe iran.”

Iyẹn ne ọ Maan Ọghe Jọn 16:6

Eban I ghi ta ẹe ma uwa nian, orriara gba uwu ẹko.

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Iwinna 14:23

Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

II Kọrinti 11:27

I winnaẹn, I miẹn ẹsọn, ẹghẹ ọrhẹnrhẹn ọre I na ma ye aro kan ovbe, ohanmwẹ gbe mwẹ, ohanmwẹ vbe gbe mwẹ, ẹghẹ ni bun ọre evbare ma ya sẹ mẹ, vbe ne I i na miẹn ehe rhie uhunmwu lẹre yi, I i miẹn ukpọn rhie rhuan.

Arhie Maan 19:9

Odibosa nii keghi tama mwẹ wẹ, “Gbẹn ọnọna ye otọ: I ma kan iran ne a tie re ne ọ gha die eghọ ọghe irhiọha Oteghe Ohuan nii.” Odibosa nii keghi vbe rhie te ẹe wẹẹ, “Ẹmwata nọ, ke unu Osanobua tobọ ẹre rre ọre ọ na khin.”

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.