Matiu 9:14 - Edo Bible (E Baibol Ẹdo) Version 1996

¹⁴ Avbe erhuanegbe Jọn ne Ọsamẹ keghi bu Jesu gha dee do nọ rẹn wẹẹ, “Vbe a na miẹn hẹ yi wẹ, ma kevbe avbe Farisi wa yo aguẹ ẹghẹ hia sokpan, erhuanegbe ruẹ i yo hiehie?”

Matiu 9:14 ပူးပေါင်းရင်းမြစ်များ

Itan 20:6

Dọmwadẹ ọghọe ọ re ọ kha ighe ọmwa ne ọ ye ekhọe ga ne ọ gia mu ẹtin yan ọ re irẹn khin. Akpawẹ a gha gele miẹn ọmwa okpa ne ọ ye vberriọ nian.

Matiu 11:2

Jọn ghi họn vbe uwu eghan vbene Jesu winna hẹẹ, ọ gie eso vbe uwu avbe erhuanegbe ẹre.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 9:15

Jesu wanniẹn tama iran wẹẹ, “Wa yayi ighe ọ kere ne emwa ne a tie do rri evbare irhiọha gha khiẹ vbe ọdafẹn ọha rre evba ra? Hiehie re! Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni, iran sẹtin gha ya ohanmwẹ rrie egbe.

Iyẹn ne ọ Maan Ọghe Jọn 3:25

Avbe erhuanegbe Jọn kevbe avbe Ju eso keghi gba gha muan ẹmwẹ ye ẹmwẹ iruemwi a khue huan.

Iyẹn ne ọ Maan Ọghe Jọn 4:1

Avbe Farisi keghi họn wẹẹ, emwa ne ọ do gha deba Jesu zẹ vbe erhuanegbe ẹre kevbe ne irẹn vbe sa amẹ na bun sẹ ọghe Jọn.