Matiu 9:13 - Edo Bible (E Baibol Ẹdo) Version 1996

¹³ Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Matiu 9:13 ပူးပေါင်းရင်းမြစ်များ

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Matiu 12:3

Jesu keghi wanniẹn, “Wa ma he tie emwi ne Devid ru ẹghẹ ni vbe ohanmwẹ gbẹe ke irẹn kevbe avbe ikpayẹ ọre?

Matiu 12:5

Wa ma he vbe tiẹ ẹre vbe Uhi e Mosis wẹẹ, Ẹdẹ Ikẹtin hia ọre avbe ohẹn ni rre Ọgua Osa ya rra uhi Ẹdẹ Ikẹtin, sevba ai kae ya iran urhu?

Matiu 12:7

Akpawẹ wa rẹn emwi ne a ya ebe na gbẹn na kha wẹẹ, ‘I i mwẹ emwi ne I ya aranmwẹ ne a ya zọ ese ruẹ itohan ọre I ho’ wa ghẹ i gha bu abe gbe ọmwa ne ọ ma rra uhi.

Matiu 19:4

Jesu wanniẹn tama iran wẹẹ, “Wa ma he tie ebe ẹre nọ kha re wẹẹ, ‘Vbe omuhẹn Ayi ne ọ yi ọmwa yi iran ọdọ vbe amwẹ.

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Matiu 3:2

“Wa zobọ vbe orukhọ ne a ru rhunmwuda Arriọba ẹrinmwi sotọ fo.”

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Matiu 4:17

Ke ẹghẹ ni kpao ọre Jesu na suẹn gha kporhu, ọ wẹẹ, “Wa ro iro fi uyinmwẹ werriẹ, rhunmwuda Arriọba ẹrinmwi sẹ otọ fo.”

Iyẹn ne ọ Maan Ọghe Mak 12:26

Ẹn hẹn, vbe kpae ọ ghe wẹ a huẹn emwa kpao vbe orinmwi, wa ma he tie ẹre vbe ebe Mosis ra, vbe ehe ne ọ na guan kan ẹmwẹ oha ne erhẹn na mu vẹn? Rhunmwuda, a gbẹn ọẹn ye evba wẹẹ, Osanobua khare wẹẹ, ‘Mẹ ọrọre Osanobua Ebraham, Osanobua Aizik kevbe Osanobua Jekọb.’

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Iyẹn ne ọ Maan Ọghe Mak 2:17

Ugbẹn vbe Jesu ghi họn, ọ wanniẹn tama iran wẹẹ, “Emwa ne egbe rran rẹn i ho ọbo, sokpan iran ni khuọnmwi. I ma rre do tie avbe adazẹ vbe ẹ i re iran ne ẹwobi emwa.”

Iyẹn ne ọ Maan Ọghe Luk 10:26

Jesu wanniẹn wẹẹ, “Vbe Ebe a ta ẹe hẹẹ? Vbe uwẹ a zẹ edu ẹre hẹẹ?”

Iyẹn ne ọ Maan Ọghe Luk 19:10

Rhunmwuda iran ni wiri ọre Ovbi Ọmwa do gualọ ne ọ miẹn ehe na miẹn iran fan.”

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iyẹn ne ọ Maan Ọghe Luk 5:31

Jesu wanniẹn tama iran wẹẹ, “Emwa ne egbe rran rẹn i bu obọ, sokpan iran ni khuọnmwi.

Iyẹn ne ọ Maan Ọghe Luk 5:32

Ẹ i re avbe adazẹ ọre I rre to do tie sokpan iran ne ẹwobi ne iran fi uyinmwẹ werriẹ.”

Iyẹn ne ọ Maan Ọghe Jọn 10:34

Jesu wanniẹn wẹẹ, “A gbẹn ọẹn ye Uhi uwa wẹẹ, Osanobua khare wẹẹ, ‘Osanobua wa khin?’

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.