Matiu 9:12 - Edo Bible (E Baibol Ẹdo) Version 1996

¹² Jesu ghi họn, ọ tama iran wẹẹ, “Ọmwa ne egbe rran rẹn i bu ọbo, sokpan iran nikhuọnmwi.

Matiu 9:12 ပူးပေါင်းရင်းမြစ်များ

Psalm 147:3

Ọ mu iran ne ekhọe ẹre rhiae egbe rran, ọ keghi vbe gbalọ iran ẹwẹn.

Psalm 41:4

Mẹ khare wẹẹ, “Nọyaẹnmwa mẹ rukhọ ghe ruẹ nẹ tohan mwẹ ne u mu mwẹ egbe rran.”

Psalm 6:2

Egbe wọ mwẹ nẹ Nọyaẹnmwa, tohan mwẹ! Rhie orhiọn yọmwẹ iwu, rhunmwuda ẹtin fo mwẹ nẹ fẹfẹẹfẹ.

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Matiu 18:11

Rhunmwuda te Ovbi Ọmwa rre do miẹn iran ni wiri fan.]

Iyẹn ne ọ Maan Ọghe Mak 2:17

Ugbẹn vbe Jesu ghi họn, ọ wanniẹn tama iran wẹẹ, “Emwa ne egbe rran rẹn i ho ọbo, sokpan iran ni khuọnmwi. I ma rre do tie avbe adazẹ vbe ẹ i re iran ne ẹwobi emwa.”

Iyẹn ne ọ Maan Ọghe Luk 5:31

Jesu wanniẹn tama iran wẹẹ, “Emwa ne egbe rran rẹn i bu obọ, sokpan iran ni khuọnmwi.

Iyẹn ne ọ Maan Ọghe Luk 8:43

Ugbẹn vbe Jesu ghi khian, emwa hia kegha khuakhua ẹe, okhuo ne esagiẹn ye ukpo iweva tue, keghi rre evba. Ọ lo emwi ne ọ mwẹ hia ne avbe ọbo fo, sokpan a ma miẹn ne ọ sẹtin sinmwi ẹn.

Iyẹn ne ọ Maan Ọghe Luk 9:11

Emwa ghi vbe họn, iran keghi vbe lele ẹe, ọ keghi rhan obọ miẹn iran, ọ ta ẹmwẹ Arriọba Osanobua ma iran, ọ na vbe sinmwi iran ne egbe ma rran vbọ.

Kọlose 4:14

Luk ne ọbo mwa ne ọ ghan, kevbe Demas we uwa do.