Matiu 9:11 - Edo Bible (E Baibol Ẹdo) Version 1996

¹¹ Ugbẹn vbe eso vbe uwu avbe Farisi ghi miẹn ọna, iran khama avbe erhuanegbe ẹre wẹẹ, “Vbọzẹ ne arowa uwa na gu avbe emwa vberriọ rri evbare yi?”

Matiu 9:11 ပူးပေါင်းရင်းမြစ်များ

Aizaia 65:5

Vbe iyeke ọnii, iran ghi gha tama emwa ọvbehe wẹẹ, wa gban egbe ne ima, ma huan gberra ne ọ kere ne uwa gha ya obọ kan! I i ho ne I gha bẹghe emwa vbenian, ohu iran ne ọ mu mwẹ yevbe erhẹn ne ẹ i dọyọ.

Matiu 11:19

Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 5:46

De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru!

Matiu 9:10

Jesu ghi rri evbare vbe owa ẹre, nibun vbe uwu iran ni koko igho uhunmwu kevbe avbe ẹwobi emwa keghi rre, iran deba irẹn kevbe erhuanegbe ẹre gha rri evbare.

Iyẹn ne ọ Maan Ọghe Mak 2:16

Eso vbe uwu iran ni ma emwa Uhi, ni vbe re Farisi keghi miẹn vbe Jesu gu avbe iran ne ẹwobi emwa kevbe ni koko igho uhunmwu rri evbare, iran keghi ya nọ avbe erhuanegbe ẹre wẹẹ, “Vbọzẹ ne ọ na gu eni koko igho uhunmwu kevbe avbe, ẹwobi emwa rri evbare yi?”

Iyẹn ne ọ Maan Ọghe Luk 19:7

Iran ne aro ẹre se ọe hia keghi suẹn gha gui ẹzọ uwu unu wẹẹ, “Oko na ya di owa ọmwa orukhọ ya!”

Iyẹn ne ọ Maan Ọghe Luk 5:30

Eso vbe uwu avbe Farisi kevbe iran ni ma emwa Uhi ni deba iran gha rre evba, kegha gu avbe erhuanegbe gui, iran nọ iran wẹẹ, “Vbe a na miẹn hẹ yi ighẹ uwa vbe iran ni koko igho uhunmwu kevbe iran ne ẹwobi ọre ọ gba re gba da?”

Iwinna 11:3

“Owa emwa ne ẹ i re Ju, ni ma rhuẹ ọre u gha rrie, u keghi vbe gu iran gha rri evbare.”

Galatia 2:15

Vbe ẹmwata, ivbi eseserese vbe uwu e Ju ma khin ighẹ ẹ i re emwa orukhọ ne ẹ i re Ju.

Hibru 5:2

Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.

II Jọn 1:10

Rhunmwuda ọnii, ọmwa gha bu ruẹ la owa vbe ne a na miẹn wẹ, ọ ma rhie iruẹmwi na rre, ghẹ giẹe la owa. Ghẹ kue zẹdẹ kha ma rẹn wẹ, “Ọfumwegbe nọ nuẹn.”