Matiu 8:9 - Edo Bible (E Baibol Ẹdo) Version 1996

⁹ Mẹ mwẹ emwa ne I gie mwẹ uhunmwu, I vbe mwẹ ne imẹ gie ẹre uhunmwu, I gha wẹ ne ọna gha khian, ọ ghi gha khian, I ghi vbe wẹ ọna gha dee, ọ ghi gha dee, I ghi vbe tama ọviẹn mwẹ wẹẹ, ‘Ru emwi na, ọ ghi gele ruẹe.’ ”

Matiu 8:9 ပူးပေါင်းရင်းမြစ်များ

Psalm 119:91

Emwi hia rrọọ do sẹ ẹdẹnẹrẹ na, rhunmwuda iyi ruẹ, rhunmwuda eguọmwadia ruẹ ọ re ehia khin.

Psalm 148:8

Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Matiu 8:10

Ẹmwẹ na keghi wa yan Jesu unu an vbe ọ họẹn, ọ keghi tama iran ni lelẹe khian wẹẹ, “I ma he miẹn ọmwa ne ọ mwẹ iyayi vbenian vbe avbe emwa Izrẹl.

Matiu 8:8

Ọkaokuo na wanniẹn tama rẹn wẹẹ, “Ẹ i re vberriọ, mẹ ma sẹ ne u gha bu gha die owa. Ke emwa na guan gha khian, egbe gha rran ọguọmwadia mwẹ.

Iyẹn ne ọ Maan Ọghe Mak 1:27

Unu keghi yan emwa hia, iran keghi suẹn gha guegbe guan wẹẹ, “Vbe ọna khin? Iruẹmwi ọgbọn, okpia na wa mwẹ asẹ ne ọ ya tama avbe orhiọn vbene iran gha khian hẹ, iran ghi vbe gha họn ẹmwẹ nẹẹn.”

Iyẹn ne ọ Maan Ọghe Luk 4:39

Rẹn keghi ya mudia ye ọkpẹn ukpo ne ọ lovbiẹ yi, ọ keghi gu emwirraro ni guan, Emwirraro ni na sẹrae, ọwarọkpa nii, okhuo ni keghi guakpao, ọ na do gha mu ọghọ ye iran egbe.

Iyẹn ne ọ Maan Ọghe Luk 7:8

Rhunmwuda, mẹ tobọ mwẹ, ototọ asẹ emwa ni sẹ mwẹ ọre I ye. Mẹ vbe mwẹ ivbiyokuo vbe ototọ mwẹ. I gha khama ọna wẹ, ‘gha khian’ ọ ghi gele gha khian, I ghi vbe khama ọvbehe wẹ, ‘gha dee,’ ọ ghi gele vbe gha dee. Erriọ ọre I vbe tama ọviẹn mwẹ wẹ, ‘Ru emwi na,’ ọ ghi gele ruẹe.”

Iyẹn ne ọ Maan Ọghe Luk 9:1

Jesu keghi tie avbe erhuanegbe iweva nii, ọ na rhie asẹ kevbe ẹtin ne iran ne iran ya gha khulo avbe orhiọn esu ladian kevbe ne iran ya gha gbe emianmwẹ kemianmwẹ.

Kọlose 3:22

Wa ne eviẹn, wa gha họn ẹmwẹ ne arowa uwa ne agbọn na, vbe emwi hia, wa gha ru vberriọ, ẹ i re vbe iran a gha bẹghe uwa ọkpa, ne iran ba miẹn ehe na gha ye aro esi ghe uwa, sokpan wa gha ye ẹkoata ru ẹe, rhunmwuda ọghọ, ne uwa rhie ne Nọyaẹnmwa.

Taitọs 2:9

Te ọ kere ne avbe eviẹn gha họn ẹmwẹ ne arowa iran, ne iran vbe gha ru vbene ọ gha yẹ iran vbe emwi hia. Iran ghẹ gha zẹ ẹmwẹ wanniẹn iran.