Matiu 8:6 - Edo Bible (E Baibol Ẹdo) Version 1996

⁶ “Dọmọ o, ọguọmwadia mwẹ ọkpa khuọnmwi vbe owa, obọ wa dae, ẹ i sẹtin kpaegbe, ẹ i sẹtin fiegbe werriẹ.”

Matiu 8:6 ပူးပေါင်းရင်းမြစ်များ

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 8:7

Jesu keghi tama rẹn wẹẹ, “I de ne I do mu ẹre gbe rran.”

Matiu 9:2

Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”

Iwinna 10:7

Odibosa ne ọ gu ẹe guan nii ghi kpao nẹ, Kọniliọs keghi tie eva vbe uwu avbe eguọmwadia ẹre deba ovbiyokuo ọkpa, ọmwa, ne ọ mwẹ ekhọe iyayi, ọkpa vbe uwu iran ne ọ hẹ gaga egbe.

Iwinna 8:7

Avbe orhiọn dan kegha so ladian vbe uwu emwa ni bun, a kevbe mu arọe kevbe uke ni bun egbe rra.

Iwinna 9:33

Evba ọre ọ na do vba okpia ọkpa ne a tie ẹre Aeneas ne arọ kinmwi, ne ọ ma he sẹtin kpaegbe vbe ukpo erẹnrẹn gha dee.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.

I Timoti 6:2

Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

Failimọn 1:16

Rhunmwuda, vbe wanwan na nian, ẹ i ghi re ọviẹn kẹkan, ọ sẹe ọnii nẹ, ọtẹn ne ọ ghan vbe uwu Kristi ghi nọ. U miẹn ehe ne ọ ghi ye mẹ nian! Inuinu ọre ehe ne ọ ye ne uwẹ gha ya sẹẹ, zẹ vbe ọviẹn kevbe zẹ vbe ọtẹn vbe uwu Nọyaẹnmwa!