Matiu 8:5 - Edo Bible (E Baibol Ẹdo) Version 1996

⁵ Ugbẹn vbe Jesu ghi wa lao Kapaniọn, ọkaokuo e Rom ọkpa bu ẹre rre do nọ iyobọ, ọ wẹẹ,

Matiu 8:5 ပူးပေါင်းရင်းမြစ်များ

Matiu 11:23

Kevbe uwẹ Kapaniọn! Ẹ i re te u tera tọn egbe ruẹ mu ya sẹ ẹrinmwi? A gha sua ruẹ fi ẹrinmwi nehianmwivin! Rhunmwuda, akpawẹ te a winna iwinna ọyunnuan ne a winnaẹn vbe uwu uwẹ vbe Saidọn, ọ gha ye gha rrọọ do sẹ ẹdẹnẹrẹ na.

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 4:13

Ọ ma yakọ vbe Nazarẹt, ọ keghi rhiegberra ya die Kapaniọn ya, ọkpẹn odighi e Galili ọre ẹvbo ni ye vbe isoko Zẹbulọn kevbe Naftali.

Matiu 9:1

Jesu keghi la okọ, ọ na fian odighi rra gha rrie ẹvbo ẹre.

Iyẹn ne ọ Maan Ọghe Mak 15:39

Enọwanrẹn ivbiyokuo ne ọ mudia ye odaro ugbugbe ghi miẹn vbene Jesu datu hẹ ọ ke wu, ọ wẹẹ, “Ovbi Osanobua ọre okpia na te gele khin.”

Iyẹn ne ọ Maan Ọghe Mak 2:1

Vbe iyeke ikpẹdẹ eso, Jesu keghi dọlegbe gha die Kapaniọn, ọ keghi la gba ehe hia ighe ọ rre owa.

Iwinna 22:25

Sokpan ugbẹn vbe iran ghi gba ẹe nẹ ne iran gbe ẹre asan, Pọl keghi tama ọmwa ne ọ rre asẹ ne ọ mudia ke ẹe wẹẹ, “Wa sie mwẹ asẹ ne a ya gbe ovbi e Rom asan vbe a ma he gu ẹ gui ẹzọ a ba emwi ku ru rhọkpa ra?”

Iwinna 23:17

Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 23:23

Ọkaokuo keghi tie eva vbe uwu iran ni rre asẹ vbe ototọ ẹre, ọ tama iran wẹẹ, “Wa viọ ivbiyokuo ye otọ ne iran do gha rrie Sisaria. Deba arhin ekigbesiyenẹ ni hin ẹsin kevbe arhin uri ni fi asoro, wa ghi mu egbe ne uwa si okhian vbe ẹgogo ihinrin vbe asọn nẹ rẹ.

Iwinna 27:13

Ẹhoho ne wẹlẹẹ kegha hoho ke odẹ ekẹn rre, emwa ni keghi te ro ighẹ iran gha sẹtin ru vbene iran khare, iran keghi rhunmwuda ọnii rhan okọ vbe irri, iran na hẹko gha gua okọ lele ọkpẹn oke ẹvbo ne a tie ẹre Kret khian.

Iwinna 27:31

Sokpan Pọl keghi tama ọkaokuo ne ọ rre asẹ ni kevbe avbe ivbiyokuo wẹẹ, “Adeghẹ avbe oziguẹ na ma mudia vbe okọ, wa i miẹn uhunmwu.”

Iwinna 27:43

Sokpan ovbiyokuo ne ọ rre asẹ nii keghi ho ne irẹn sinmwi uhunmwu e Pọl, rhunmwuda ọnii, ọ ma gie iran ruẹe vberriọ. Ọ na ghi wẹ ne iran ni gua ra khuẹ vbọ sannọ fi ẹzẹ ne iran ka khuẹ gha rrie oke.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”