Matiu 8:4 - Edo Bible (E Baibol Ẹdo) Version 1996

⁴ Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Matiu 8:4 ပူးပေါင်းရင်းမြစ်များ

Aizaia 42:21

E Nọyaẹnmwa Osanobua ne ọ ho ne ọ gha miẹn ruẹn fan ọre nọ rhunmwuda ọnii ọ re ọ na mu uhi kevbe iruẹemwi ẹnrẹn gbọọ. Ọ keghi vbe ho ne emwa irẹn gha mu iran sẹ.

Levitikọs 13:49

Deghẹ te ọ ru ebebe ra te ọ baa, irhunrhun ne ọ vẹ khian nọ, ọ kere ne a ya mu ẹẹn ma ohẹn.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Matiu 16:20

Jesu keghi tama avbe erhuanegbe ẹre ne iran ghẹ tama ọmwa rhọkpa ighe rẹn ọrọre ne ne Mẹzaia.

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Matiu 5:17

“Wa ghẹ ro ighe te imẹ rre do gbe ukhu Uhi e Mosis kevbe ẹmwẹ avbe akhasẹ rua. I ma rre do gbe ukhu ẹre rua, te I rre do rhie ugue yọ.

Matiu 6:1

“Mu egbe ruẹ ye ọghọ ne iwinna ugamwẹ iyayi ruẹ ghẹ gha re ọghe nababẹghe mwẹ, ọ gha khian ọghe ne a ya voro vberriọ nẹ, Erhaa ne ọ rre ẹrinmwi i ghi san ruẹ ẹse.

Matiu 9:30

Aro iran keghi rhan. Jesu na tua unu muẹn tama iran wẹẹ, “Wa ghẹ tama ọmwa rhọkpa!”

Iyẹn ne ọ Maan Ọghe Mak 13:9

“Wa tobọ uwa, wa ghi khẹ ye egbe. Rhunmwuda emwa gha dekun uwa gha munọ ye iko ẹzọ. Iran gha gbele uwa vbe Ọgua ediọn. Wa gha mudia vbe odaro avbe ọba kevbe ekhaẹmwẹ rhunmwuda mwẹ, ne uwa kpe orhu Iyẹn Ne ọ maa ma iran.

Iyẹn ne ọ Maan Ọghe Mak 3:12

Jesu keghi yi iyi ne avbe orhiọn esu ni khuankhuanankhuan ne iran ghẹ ta ọmwa ne irẹn khin ma emwa.

Iyẹn ne ọ Maan Ọghe Mak 5:43

Sokpan Jesu kakabọ tama iran wẹ ne iran ghẹ tama ọmwa rhọkpa. Ọ keghi rhie tẹe wẹẹ, “Wa rhie evbare nẹ ẹn re.”

Iyẹn ne ọ Maan Ọghe Mak 6:11

Wa gha sẹ ẹvbo ighe emwa ma rhan obọ miẹn uwa ra iran ma rhie ehọ ne uwa ta yi. Wa bọnmwẹ ebubẹ ne ọ rre uwu owẹ ye evba ne uwa ladian vbe evba. Ọna gha re ama emwi ne ọ de ne iran.”

Iyẹn ne ọ Maan Ọghe Mak 7:36

Jesu keghi tama iran hia wẹ ne iran ghẹ tama ọmwa rhọkpa. Sokpan vbene irẹn ya tua unu mu ẹn erriọ iran vbe ya gha bọnmwẹ ọẹn khian.

Iyẹn ne ọ Maan Ọghe Mak 8:30

Pita wanniẹn wẹẹ, “Wẹ ọrọre nene Mẹzaia.” Irẹn keghi tama iran wẹẹ, “Wa ghẹ tama ọmwa rhọkpa.”

Iyẹn ne ọ Maan Ọghe Mak 9:9

Ugbẹn vbe iran ghi tuorre ke uhunmwu oke dee, Jesu tama iran wẹẹ, “Wa ghẹ ta emwi ne uwa miẹn na ma ọmwarhọkpa vbe ẹ i re te Ovbi Ọmwa rhiọrre vbe orinmwi nẹ.”

Iyẹn ne ọ Maan Ọghe Luk 17:14

Jesu keghi ghe iran, ọ tama iran wẹẹ, “Wa bu ohẹn ne ọ ghe uwa egbe ghe.” Iran ghi khian, egbe keghi rran iran.

Iyẹn ne ọ Maan Ọghe Luk 21:13

Ẹkpotọ ne uwa gha ya kpe Orhu Iyẹn Ne ọ Maa ọre ena hia khin.

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iyẹn ne ọ Maan Ọghe Luk 5:14

Jesu keghi tama rẹn wẹẹ, “Ghẹ tama ọmwa rhọkpa, sokpan, bu ohẹn gha khian ne ọ ghe ruẹ egbe, iyeke ọnii, u ghi ya zọ ese ne Mosis mwamwa yọ ne u ya rhie ma emwa hia ighe u huan nẹ!”

Iyẹn ne ọ Maan Ọghe Luk 8:56

Izegbe na wa zẹ evbibiẹ ọe, sokpan Jesu yan ma iran ne iran ghẹ ta emwi ne ọ sunu ma ọmwaikọmwa.

Iyẹn ne ọ Maan Ọghe Luk 9:21

Jesu keghi kakabọ yan ma iran ne iran ghẹ ta ẹe ma ọmwa rhọkpa.

Iyẹn ne ọ Maan Ọghe Jọn 5:41

“I ma wẹ ne ọmwa tian mwẹ.

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

Iyẹn ne ọ Maan Ọghe Jọn 8:50

Mẹ i gualọ uyi ne egbe mwẹ, ọmwa ọkpa rrọọ ne ọ gualọ ẹe, rẹn ọre ọ vbe se osẹe mẹ.