Matiu 8:34 - Edo Bible (E Baibol Ẹdo) Version 1996

³⁴ Emwa ẹvbo ni hia keghi vẹ bu Jesu gha dee. Iran ghi miẹn ọẹn, iran rinmwian ne ọ kpao hin iran ẹvbo rre.

Matiu 8:34 ပူးပေါင်းရင်းမြစ်များ

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

I Ọba 18:17

Ehab ghi bẹghe ẹre, ọ tama rẹn wẹẹ, “Wẹ ọ na khin ọ gbe ẹti ne ọ rhia sẹ vbe otọe Izrẹl.”

Job 21:14

“Emwa dan ghi tama Osanobua wẹ ne ọ sẹ iran rae. Iran i ho ne iran rẹn vbene ọ mwamwa ẹdagbọn iran hẹẹ.

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Emọs 7:12

Ẹre Amezaia ghi na khama Emọs wẹẹ, “Ọnii sẹe, akhasẹ, gha rri Juda ne u ya gha kpe orhu vbe odọ.

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”

Iyẹn ne ọ Maan Ọghe Luk 8:28

Ọ keghi datu vbe ọ dẹghe Jesu, ọ degbe otọ vbe odaro ọre ọ datu wẹẹ, “Jesu Ovbi Osanobua Ne Ọ Yo Sẹ, vbe ua gualọ sẹ egbe mwẹ? Lahọ ghẹ rriọ mwẹ oya.”

Iwinna 16:39

Iran keghi bu iran gha khian, iran na ya gbe I ma rẹn ma iran, iran keghi su iran ke uwu ẹwẹdọ ladian, iran na wẹ ne iran ke ẹvbo nii ladian.

Diuteronomi 5:25

Sokpan vbe ima a ghi ra na vbe dọlegbe rhie uhunmwu da uwu hẹ nian? Erhẹn ugborrirri nii gha fuẹn ima an. Te ima wulo a deghẹ ma dọlegbe họn vbe e Nọyaẹnmwa ne Osanobua gu ima guan.

I Samuẹl 16:4

E Samuẹl keghi ru zẹ vbene Nọyaẹnmwa wẹ ne ọ ru, ọ na gha rrie Bẹtlẹhẹm. Avbe ọkaolotu ẹvbo nii keghi rre do vba ẹre vbene iran na guọ zẹzẹzẹ, iran nọ rẹn wẹẹ, “Ọbiro, a deghẹ okhian maa?”