Matiu 8:30 - Edo Bible (E Baibol Ẹdo) Version 1996

³⁰ Oghẹn esiebo ọkpa keghi sikẹ evba, iran gha rri irunmwu.

Matiu 8:30 ပူးပေါင်းရင်းမြစ်များ

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Levitikọs 11:7

Wa ghẹ rri esiebo, wa ghi ka ẹe ye emwi awua, ihiẹn iran va ada sokpan iran i hu emwi re lue vbe unu.

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Matiu 8:31

Avbe orhiọn esu ni keghi rinmwian Jesu wẹ, “Deghẹ te u ra khulo ima ladian, gie ima ya la uwu avbe esiebo ni.”

Iyẹn ne ọ Maan Ọghe Mak 5:11

Oghẹn nọkhua ọghe esi ebo kegha rria vbe ọkpẹn oke vbe evba.

Iyẹn ne ọ Maan Ọghe Luk 8:32

Oghẹn nọkhua ọghe esiebo keghi rre ọkpẹn evba. Iran gha rria vbe ehanhan oke. Avbe orhiọn esu ni keghi rinmwian Jesu ne ọ gie iran gha rrie uwu avbe esiebo ni, rẹn keghi zẹ iran obọ.

Diuteronomi 14:8

Wa ghẹ rrie esiebo, wa ka ẹe ye ne ọ mwẹ awua rhunmwuda iran rhe mwẹ ihiẹn ne ọ va ada, iran i hu evbare rre lue. Wa ghẹ rri avbe aranmwẹ na, a ma wẹ ne uwa ye obọ kan ikun iran vbe iran a wu nẹ.