Matiu 8:3 - Edo Bible (E Baibol Ẹdo) Version 1996

³ Jesu keghi nien obọ ya kan rẹn, ọ wẹẹ, “I wa ho ne egbe rran ruẹn.” Vbe ọwarọkpa ni, alalọ ni keghi lahin ẹre egbe rre.

Matiu 8:3 ပူးပေါင်းရင်းမြစ်များ

Gẹnẹsis 1:3

Osanobua keghi kha wẹẹ, “Gie uwanmwẹ gha rrọọ,” uwanmwẹ keghi gele ladian.

II Ọba 5:11

Sokpan, e Naaman keghi guọnmwẹ egbe kpao, ọ wẹẹ, “Mẹ te ro wẹ ọ gha ladian, ọ ghi na erhunmwu ghe Osanobua ẹre, ọ ghi ye obọ kan mwẹ ehe ne ọ ye vbe egbe mwẹ, ọ ghi sinmwi mwẹ.

II Ọba 5:14

Ẹre Naaman na gha rrie Jọdan, ọ na dinmwi ye uwu ẹre igba ihinrọn vbene Elaisia wẹ ne ọ ru ẹe, egbe keghi wa rran rẹn giẹnrẹn. Efun egbe ẹre keghi deziẹn, emianmwẹ i ghi rrọọ, ọ kegha ye zẹ vbe ne ọghe ọmobọ ye.

Psalm 33:9

Rẹn guanrẹn, a keghi yii agbọn, vbe ẹmwẹ unu ẹnrẹn, emwi hia keghi ye egbe ladian.

Ẹksọdọs 4:7

E Nọyaẹnmwa keghi kha wẹẹ, “Dọlegbe rhie obọ ruẹ ye uwu ẹwu ruẹ.” Ọ keghi ru vberriọ, ọ ghi rhie ẹre ladian, ọ kegha ye zẹ vbene egbe ẹre nekpa ye.

Matiu 12:13

Rẹn keghi tama okpia ni wẹẹ, “Niẹn obọ ruẹ ladian.” Ọ ghi siẹe ladian, obọ ẹre keghi do gha maa vbene nọkpa ye.

Iyẹn ne ọ Maan Ọghe Mak 1:41

Ohan rẹn keghi to Jesu, ọ keghi nien obọ ladian, ọ ya ẹe kan rẹn, ọ wẹẹ, “I ho ne u khian ne ọ huanrẹn.”

Iyẹn ne ọ Maan Ọghe Mak 4:39

Jesu keghi guakpao, ọ tama ẹhoho wẹẹ, “Dobọ owogho yi!” Ọ keghi vbe tama ogbigbi amẹ wẹẹ, “Hunwan hi i i!” Ẹhoho keghi wa dọyọ, ehe hia keghi ye hi i i.

Iyẹn ne ọ Maan Ọghe Mak 5:41

Ọ keghi rhie ẹre obọ, ọ tama rẹn wẹẹ, “Talita, koum” ọ nii nọ wẹẹ, “Ọmọ okhuo, I tama ruẹn, kpaegbe!”

Iyẹn ne ọ Maan Ọghe Mak 7:34

Jesu keghi tọn aro mu ghe odukhunmwu, ọ keghi kakabọ gbẹtin, ọ tama okpia ni wẹẹ, “Ephphatha,” ọnii nọ wẹ, “Kie ye otọ.”

Iyẹn ne ọ Maan Ọghe Mak 9:25

Jesu ghi ghee, emwa ni gbe ẹbu ye evba hẹko do lẹga iran, ọ keghi gu orhiọn dan ni guan wẹẹ, “Wẹ ne orhiọn odin ne ọ vbe yin ehọ, I tama ruẹn nian ne u ladian vbe egbe ọmọ na, ghẹ ghi dọlegbe la uwu ẹre ọvbehe.”

Iyẹn ne ọ Maan Ọghe Luk 4:27

Ọkhọnmwoti wa vbe bun vbe Izrẹl vbe ẹghẹ Elaisia ne akhasẹ, sokpan ọkpa ne a sinmwi i rrọọ gberra Naaman ne ovbi e Siria.”

Iyẹn ne ọ Maan Ọghe Luk 5:13

Jesu keghi nien obọ ẹre ya kan rẹn, ọ wẹẹ, “I wa ho ẹsẹse, khian ne ọ huanrẹn.” Ọwarọkpa nii, alalọ nii keghi fo.

Iyẹn ne ọ Maan Ọghe Luk 7:14

Rẹn keghi khian sikẹ odaro, ọ na ye obọ kan ẹkpẹti orinmwi ni, iran ni mu ẹn keghi mudia, Jesu keghi kha wẹẹ, “Ọmọ okpia, I tama ruẹn, kpaegbe!”

Iyẹn ne ọ Maan Ọghe Jọn 11:43

Ọ ghi kha vberriọ nẹ, ọ keghi davan wẹẹ, “Lazarọs ladian gha dee!”

Iyẹn ne ọ Maan Ọghe Jọn 15:24

Iran i ghẹ rri abe orukhọ rhọkpa akpawẹ mẹ ma sirra iran winna iwinna ne a ma he miẹn ọmwa ne ọ ka ru egbe ọre yi, vbe banbanna nian, iran miẹn iwinna ne I winnaẹn nẹ, iran na gha khọ ẹko Erha mwẹ bare.

Iyẹn ne ọ Maan Ọghe Jọn 5:21

Rhunmwuda zẹ vbene erha huẹn ọmwa ne ọ wu nẹ kpao vbe orinmwi, erriọ zẹẹ ọre Ọmọ vbe rhie arrọọ ne emwa ne ọ ho ne ọ rhie na.