Matiu 8:29 - Edo Bible (E Baibol Ẹdo) Version 1996

²⁹ Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Matiu 8:29 ပူးပေါင်းရင်းမြစ်များ

II Samuẹl 16:10

Ọba keghi khama Abisiai kevbe Joab ne ọtiọnrẹn wẹẹ, “Ọ ma zẹdẹ kan uwa, adeghẹ ọ rhovbiẹ mwẹ rhunmwuda wẹ e Nọyaẹnmwa ọ re ọ wẹ ne ọ rhovbiẹ mwẹ, gha ọ ghi ra rri ọre unu ẹnrẹn?”

II Samuẹl 19:22

Sokpan e Devid keghi khama Abisiai kevbe Joab ne ọtiọnrẹn wẹẹ, “Gha ọ wẹ ne u guan yọ yi? Te u ra si ẹti yọ mwẹ urhu ra? Banbanna nian, mẹ ọ re ọba Izrẹl, ovbi Izrẹl ne a gha gbe ua ẹrẹna, ẹ i rrọọ.”

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

II Ọba 3:13

Elaisia keghi wanniẹn ọba Izrẹl wẹẹ, “Vbe I a ghi yi uwa obọ hẹ yi? Wa ya nọ avbe akhasẹ ne avbe erha uwa kevbe iye uwa gha nọọn.” E Joram keghi wanniẹn wẹẹ, “Ẹ i re erriọ, e Nọyaẹnmwa ọ re ọ gbalọ ima ne avbe ọba eha na hẹ ku ọba e Moab obọ.”

II Krọnikol 35:21

Sokpan, e Nẹko keghi gie uhunmwu na wẹ ne a tama e Josaia; Ọ wẹẹ, “E Josaia ne ọba e Juda, okuọ ne I khọn na ma kan ruẹn, ẹ i re uwẹ ọ re I ra do gu gbinna, sokpan, avbe eghian mwẹ ọ re I do gu gbinna, Osanobua vbe tama mwẹ nẹ wẹ ne I zẹgiẹgiẹ ru ẹe, Osanobua yaba mwẹ nẹ, rhunmwuda ọnii, ghẹ mu idobo yọ mwẹ egbe ne ọ ghẹ fuẹn ruẹn uan.”

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Matiu 8:30

Oghẹn esiebo ọkpa keghi sikẹ evba, iran gha rri irunmwu.

Iyẹn ne ọ Maan Ọghe Mak 1:24

“Vbọ kan ima kan ruẹn yi Jesu ne ovbi e Nazarẹt? Te u rre do fuẹn ima an ra? I rẹn ọmwa ne u khin: wẹ ọrọre ukọ ne ọ huanrẹn ọghe Osanobua.”

Iyẹn ne ọ Maan Ọghe Mak 3:11

Iran ne orhiọn esu rre uwu iran gha wa bẹghe ẹre, iran ghi de fianmwẹ otọ, iran ghi datu wẹẹ, “Wẹ ọrọre Ovbi Osanobua.”

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iyẹn ne ọ Maan Ọghe Luk 4:34

“De! vbọso mwa suẹ Jesu ne ovbi e Nazarẹt? Te u do fuẹn ima an ra? I rẹn ruẹn, odibo Osanobua ne ọ huanrẹn!”

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iyẹn ne ọ Maan Ọghe Luk 8:28

Ọ keghi datu vbe ọ dẹghe Jesu, ọ degbe otọ vbe odaro ọre ọ datu wẹẹ, “Jesu Ovbi Osanobua Ne Ọ Yo Sẹ, vbe ua gualọ sẹ egbe mwẹ? Lahọ ghẹ rriọ mwẹ oya.”

Iyẹn ne ọ Maan Ọghe Jọn 2:4

Jesu wanniẹn wẹẹ, “Okhuo, ghẹ tama mwẹ emwi ne I gha ru. Ẹghẹ mwẹ ma he sẹ.”

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Jems 2:19

Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Giọgis 11:12

Ẹre Jẹfta na gie uhunmwu gie ọba Amọn wẹẹ, “De ẹzọ ne u gu ima gui yi? Vbọzẹ ne u na mu okuo la ẹvbo mwẹ?”