Matiu 8:28 - Edo Bible (E Baibol Ẹdo) Version 1996

²⁸ Jesu keghi fian odighi rra gha rrie ẹvbo Gadara. Arhiẹn eva keghi ke uwu uvun okuta ni rre itẹ ladian bu ẹre gha dee. Iran na mwẹ orhiọn esu. Iran khọ sẹrriọ wẹ a i ghi miẹn ne ohan giee la odẹ ni.

Matiu 8:28 ပူးပေါင်းရင်းမြစ်များ

Gẹnẹsis 10:16

Ke Jebus, Amọri kevbe Gegasa,

Gẹnẹsis 15:21

emwa Amọri, Kenan, Gigasi kevbe Jebus.”

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 8:27

Unu keghi yan emwa hia, iran wẹẹ, “De ama ọmwa ne ọna khin, ne ẹhoho kevbe amẹ họn ẹmwẹ ọnrẹn na?”

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Giọgis 5:6

“Vbe ẹghẹ Siamga ne ovbi Anat, vbe ẹghẹ Jaẹl. Ekhẹn ni hin ẹsin ma ghi gha la ẹvbo nii gberra odẹ abọtọ ọre ekhẹn ghi gha la,