Matiu 8:25 - Edo Bible (E Baibol Ẹdo) Version 1996

²⁵ Avbe erhuanegbe keghi ya huẹn ọnrẹn, iran wẹẹ, “Nọyaẹnmwa, burre ighe ma wiri.”

Matiu 8:25 ပူးပေါင်းရင်းမြစ်များ

II Krọnikol 14:11

Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”

II Krọnikol 20:12

We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”

Psalm 10:1

Vbe u a na khian rrei sẹrriọ hẹ yi, Nọyaẹnmwa? Vbe u a ghi na rhie egbe lẹre hẹ yi? Vbe ima rre uwu ibaro?

Jona 1:6

Ọka oziguẹ keghi miẹn ọẹn vbe evba, ọ tama rẹn wẹẹ, “Vbe u a ru yi, te uwẹ vbiẹ? Kpaegbe, ne u tu tie Osanobua ruẹ wẹ ne ọ bu rre. U ghaghe ohan mwa gha to ẹe, ọ ghi gie ima miẹn uhunmwu.”

Matiu 8:2

Ọmwa ọkpa ne ọre ọkhọmwọ alalọ keghi bu ẹre rre, ọ keghi diguẹ nẹẹn, ọ wẹẹ, “Dọmọ o, deghẹ u hoo, u gha sẹtin sinmwi mwẹ.”

Matiu 8:24

Vbe udomwurri, okpẹhoho keghi wa suẹn gha la vbe odighi nii, amẹ na gha vẹ la okọ sokpan Jesu kegha vbiẹ.

Matiu 9:18

Vbene Jesu he wa ye guan, olotu avbe Ju ọkpa bu ẹre rre, ọ diguẹ nẹẹn, ọ wẹẹ, “Enọwanrẹn te ovbi mwẹ nokhuo wa da kpan udu na, sokpan, gha dee do rhie obọ ruẹ yan rẹn, ọ gha ye fe.”

Iyẹn ne ọ Maan Ọghe Luk 8:24

Avbe erhuanegbe keghi bu Jesu gha dee, iran huẹn ọnrẹn wẹẹ, “Arowa ghe ighe ma wiri!” Jesu keghi gua kpao, ọ gu ẹhoho kevbe ogbigbi amẹ ni guan, ehia keghi rọọ, ehe hia keghi furre khuẹrhẹ.