Matiu 8:20 - Edo Bible (E Baibol Ẹdo) Version 1996

²⁰ Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Matiu 8:20 ပူးပေါင်းရင်းမြစ်များ

Psalm 104:12

Avbe ahianmwẹ bọlọ oko, ye erhan ni rre ọkpẹn ọnrẹn, iran keghi gha so ihuan.

Psalm 104:17

Evba nii ọre avbe ahianmwẹ bọ oko yi, uhunmwu erhan okan ore ọlọkọmwọrhu bọ oko ẹre yi.

Psalm 109:22

Ovbiogue kevbe ne ẹ i mwẹ, ọre imẹ khin; ẹko zughu mwẹ ya sẹ otọ ibiẹ.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 69:29

Sokpan, uwu obalọ kevbe ẹtinfomwẹ ọ re imẹ ye, si mwẹ kpaegbe, Osanobua, ne u miẹn mwẹ fan!

Psalm 84:3

Avbe uhaiso bọlọ oko, ivbialumẹ vbe mwẹ owa iran, iran viọ ivbi iran negiẹrẹ, ye ọkpẹn Ogiukpo ruẹ, Nọyaẹnmwa ne Oghodua ọba mwẹ kevbe Osanobua mwẹ.

Daniẹl 7:13

Vbe uwu u mian na vbe asọn nii, I keghi bẹghe emwi ọkpa ne ọ yevbe ọmwa. Ọ kegha bu mwẹ dee, okuku amẹ wa lẹga ẹre, ọ keghi bu ọmwa ne ọ wa rrọọ dee ẹdẹdẹmwẹdẹ nii, a na rhie ẹre ma rẹn.

Matiu 12:32

Ọmwa gha fi. unu gie ovbi ọmwa, a gha ya bọe, sokpan ọmwa ne ọ fi unu gie Orhiọn Ne Ọ Huanrẹn, a i ya bọe nian ra ẹdẹdẹmwẹdẹ.

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 12:8

Rhunmwuda Ovbi Ọmwa ọre ọ yan Ẹdẹ Ikẹtin.”

Matiu 13:37

Jesu keghi wanniẹn wẹẹ, “Ovbi Ọmwa ọrọre ọmwa ne ọ kọ emwiokọ esi.

Matiu 16:13

Jesu kegha rrie agbọn ẹvbo nọ sikẹ Sisaria Filipai, ọ keghi nọ avbe erhuanegbe ẹre wẹẹ, “De ọmwa ne emwa kha ighẹ Ovbi Ọmwa khin?”

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 12:8

“Ne I tama uwa, ọmwaikọmwa ne ọ ladian azagba tae ighe ọghomwẹ rẹn ikhin. Ovbi Ọmwa gha vbe ru vberriọ ne irẹn vbe odaro avbe odibo Osanobua.

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Iyẹn ne ọ Maan Ọghe Luk 2:12

Ne uwa miẹn ehe ne tie ẹre ẹmwata, wa gha do vba ọmọ obọ ne a ye ukpọn vbuẹ vbe a mu ẹn lovbiẹ vbe aza emwirri.”

Iyẹn ne ọ Maan Ọghe Luk 2:16

Iran keghi zẹgiẹ gha khian, iran keghi do vba Meri kevbe Josẹf, iran keghi vbe miẹn ọmọ nii ne ọ lovbiẹ vbe aza emwirri.

Iyẹn ne ọ Maan Ọghe Luk 2:7

Ọ keghi biẹ ọmọ ọdiọn ọmọ okpia, ọ keghi ye ukpọn vbuẹ uẹ ọre ọ keghi wa ẹre vbe aza emwirri rhunmwuda owa ekhẹn ma ghi gua iran.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Luk 8:3

Joana ne amwẹ Kiuza ne ọ winna vbe ẹguae Hẹrọd, kevbe Susana kevbe ikhuo ni bun ọvbehe, iran ni lo emwi ewe iran ya gha yi Jesu kevbe erhuanegbe ẹre obọ.

Iyẹn ne ọ Maan Ọghe Luk 9:58

Jesu keghi tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ oko, sokpan Ovbi Ọmwa i mwẹ ehe ne ọ na lovbiẹ kẹtin.”

Iyẹn ne ọ Maan Ọghe Jọn 1:51

Ọ keghi tama iran wẹẹ, “Ẹmwata ọre I tama uwa, wa gha miẹn vbe ẹrinmwi a kie ye otọ kevbe avbe odibo Osanobua ghi gha hin odukhunmwu, iran ghi vbe gha tuorre yan Ovbi Ọmwa.”

Iyẹn ne ọ Maan Ọghe Jọn 12:34

Emwa ni gbe ẹbu ye evba wanniẹn tama rẹn wẹẹ, “Uhi ima tae ighe te nene Mẹzaia gha rre agbọn ẹdẹdẹmwẹdẹ, vbe uwẹ a ghi na kha hẹ wẹẹ, a gha tọn Ovbi Ọmwa mu hin otọe rre? De ọmwa ne ọ re nene Ovbi Ọmwa na yi?”

Iyẹn ne ọ Maan Ọghe Jọn 13:31

Judas ghi kpao nẹ, Jesu keghi wẹẹ, “Banbanna nian, a rhie uyi Ovbi Ọmwa maa, a keghi vbe la egbe ẹre rhie uyi Osanobua maa.

Iyẹn ne ọ Maan Ọghe Jọn 3:13

Ọmwa ne ọ he hin odukhunmwu gha rrie ẹrinmwi ẹ i rrọọ gberra Ovbi Ọmwa ne ọ ke ẹrinmwi tuorre gha dee.”

Iyẹn ne ọ Maan Ọghe Jọn 3:14

Zẹ vbene Mosis ya erhan mu ẹyẹn ne a ya oze sa ni ghe odukhunmwu vbe uwu ato, erriọ zẹ ọre a gha vbe mu Ovbi Ọmwa ghe odukhunmwu.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 6:53

Jesu tama iran wẹẹ, “Ẹmwata ọre I tama uwa, vbe ẹ i re te uwa rri efun egbe Ovbi Ọmwa ne uwa vbe wọn esagiẹn ọnrẹn, wa i sẹtin gha mwẹ arrọọ vbe uwu uwa.

Iyẹn ne ọ Maan Ọghe Jọn 6:62

A deghẹ wa ghi miẹn wẹ Ovbi Ọmwa dọlegbe gha rrie odukhunmwu vbe ehe ne ọ ka ye yi vbo?

Iwinna 7:56

Ọ keghi kha wẹ: “Wa ghe, I bẹghe ẹrinmwi vbe ọ kie ye otọ kevbe Ovbi Ọmwa vbe ọ mudia ye obọ erha ọmwa ọghe Osanobua!”

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.