Matiu 8:2 - Edo Bible (E Baibol Ẹdo) Version 1996

² Ọmwa ọkpa ne ọre ọkhọmwọ alalọ keghi bu ẹre rre, ọ keghi diguẹ nẹẹn, ọ wẹẹ, “Dọmọ o, deghẹ u hoo, u gha sẹtin sinmwi mwẹ.”

Matiu 8:2 ပူးပေါင်းရင်းမြစ်များ

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

II Ọba 15:5

E Nọyaẹnmwa keghi hihiẹ emwirregbekẹn ne emianmwẹ dan ku Uzaia. Ọ ma lahin ẹre egbe rre ọ te ya wu. Rẹn ọkpa vbe ẹhi ẹre keghi ya gha re owa ọkpa, a ma ghi gie ẹe ru emwi ne ọ khẹ ke ẹe rhọkpa, e Jotan ne ovbi ẹre kegha khaemwisẹ gbearoghe ẹvbo.

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

Nọmbas 12:10

Ẹre okuku nii na si hin Owa Ukpọn nii rre, Emianmwẹ ne ọ sẹtin la ọmwa ọvbehe egbe keghi hihiẹ yan ikpakpa egbe Miriam ọ na do gha fua vbe isonorhọ, Errọn keghi ghe ẹre ọ keghi miẹn wẹ emianmwẹ wa gba ẹre egbe.

Matiu 10:8

Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 13:58

Ọ ma winna iwinna ọyunnuan ni bun vbe evba rhunmwuda iran ma ya ẹe yi.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 15:25

Ugbẹn vbe okhuo nii ghi họn ẹmwẹ na, ọ bu Jesu gha dee, ọ keghi diguẹ nẹẹn, ọ wẹẹ, “Lahọ yọ mwẹ obọ.”

Matiu 18:26

Ọguọmwadia na keghi fan fi guẹ vbe odaro arowa ẹre, ọ rinmwian ẹn wẹẹ, ‘Lahọ ziengbe mẹ, I gha ha osa na hia nuẹn.’

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Matiu 20:20

Iye ivbi e Zẹbede keghi bu Jesu gha dee, ọ vbokho egbe rriotọ nẹẹn, ọ keghi rinmwian ẹre iyobọ.

Matiu 26:6

Ugbẹn vbe Jesu ghi rre owa Saimọn ne ọkhọnmwoti vbe Bẹtani,

Matiu 28:17

Ugbẹn vbe iran ghi miẹn ọẹn, iran ya uhunmwu rhanmwẹ otọ ne ẹn a gha rhe miẹn wẹẹ eso vbe uwu iran gha a biro eva.

Matiu 28:9

Vbe udomwurri, Jesu keghi bu iran rre, ọ wẹẹ, “Ọfumwegbe nọ ne uwa.” Iran keghi bu ẹre gha dee, iran ye obọ da ẹre owẹ yi, iran keghi ya uhunmwu rhanmwẹ otọ ne ẹn.

Matiu 4:9

“U gha sẹtin diguẹ ya uhunmwu rhanmwẹ otọ mẹ, I gha ya ena hia fi ohan nuẹn.”

Matiu 8:1

Jesu ghi tuorre vbe uhunmwu oke, emwa hia keghi vẹ lelẹe.

Matiu 8:25

Avbe erhuanegbe keghi ya huẹn ọnrẹn, iran wẹẹ, “Nọyaẹnmwa, burre ighe ma wiri.”

Matiu 9:18

Vbene Jesu he wa ye guan, olotu avbe Ju ọkpa bu ẹre rre, ọ diguẹ nẹẹn, ọ wẹẹ, “Enọwanrẹn te ovbi mwẹ nokhuo wa da kpan udu na, sokpan, gha dee do rhie obọ ruẹ yan rẹn, ọ gha ye fe.”

Iyẹn ne ọ Maan Ọghe Luk 4:27

Ọkhọnmwoti wa vbe bun vbe Izrẹl vbe ẹghẹ Elaisia ne akhasẹ, sokpan ọkpa ne a sinmwi i rrọọ gberra Naaman ne ovbi e Siria.”

Iyẹn ne ọ Maan Ọghe Jọn 9:38

Okpia ni keghi kha wẹẹ, “I yayi Nọyaẹnmwa.” Ọ keghi diguẹ ne Jesu.

Iwinna 10:14

Sokpan Pita wanniẹn wẹẹ, “Hiehiere Nọyaẹnmwa, unu mwẹ ma he dekan emwi awua ra nọ ma huan ẹdẹ.”

Iwinna 10:25

Ugbẹn vbe Pita ghi ra la owa, Kọniliọs keghi bu ẹre rre, ọ de fi ọre akharha, ọ keghi mu ẹko rhu otọ vbe odaro ẹre.

I Kọrinti 14:25

Iro ẹkhokho ne ọ zẹ vbe ekhọe ghi khian ne a rhie ladian azagba, ọ ghi vbẹ rre ye uhunmwu rhanmwẹ otọ ne Osanobua, ọ ghi miẹnkue wẹ, “Vbe ẹmwata, Osanobua gu uwa rre emwa na.”

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.