Matiu 8:19 - Edo Bible (E Baibol Ẹdo) Version 1996

¹⁹ Ọma emwa Uhi ọkpa keghi bu ẹre rre, ọ wẹẹ, “Ọmamwa ne ọ ma emwa Uhi, I ho ne I gha leluẹ le ehe ne u rhirhi a gha rrie.”

Matiu 8:19 ပူးပေါင်းရင်းမြစ်များ

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Iyẹn ne ọ Maan Ọghe Luk 14:33

Jesu keghi kha wẹẹ, “Erriọ ọ wa ye zẹ, ne ọ gha sẹtin ru ọrhuanegbe vbe uwu uwa i rrọọ a deghẹ Ọ ma sẹ emwi nẹ ọ mwẹ hia rae.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

I Kọrinti 16:6

Ọ gha kẹe I gha kpẹe vbe ehe ne uwa ye kherhe, u gha ghe, la ẹghẹ okhuakhua fo, ẹkpo nii i wa ghi yọ mwẹ obọ ne I ya gha rrie ehe ne I rhirhi gha rrie vbe I a ghi ke evba kpao.