Matiu 8:17 - Edo Bible (E Baibol Ẹdo) Version 1996

¹⁷ Jesu ru avbe emwi na, ne ẹmwẹ ne akhasẹ Aizaia tae miẹn ehe na sẹ wẹẹ, “Rẹn tobọre ọre ọ viọ emianmwẹ mwa, ọ keghi vbe viọ ohuẹhuẹ mwa hia gha rrie.”

Matiu 8:17 ပူးပေါင်းရင်းမြစ်များ

Gẹnẹsis 22:6

Ebraham keghi mu erhan ne a ra ya zọ ese yan Aizik uhunmwu, sokpan rẹn keghi tobọ ẹre mu erhẹn ẹyin kevbe ọpia. Iran eveva na deyan okhian.

Aizaia 53:4

“Sokpan rẹn ya egbe miẹn oya ne ọ te khẹ ke mwa obalọ ne ọ te kei ne ọ gha re ọghomwa. Ẹghẹ na hia, ma kegha roro wẹ obọ Osanobua ọre oya ne ọ re ke rre.

Matiu 1:22

Avbe emwi na hia sunu ne ẹmwẹ ne Nọyaẹnmwa la unu akhasẹ ta miẹn ehe na sẹ wẹẹ,

Matiu 2:15

Evba iran gha ye Hẹrọd to do wu. Ọna sunu ne ẹmwẹ ne Nọyaẹnmwa la unu akhasẹ guan miẹn ehe na sẹ wẹẹ, “Mẹ tie ovbi mwẹ ke Igipt rre.”

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Iyẹn ne ọ Maan Ọghe Mak 1:32

Ugbẹn vbe ọ ghi sẹ ota, vbe ovẹn ghi dero nẹ, iran keghi viọ emwa ni khuọnmwi hia kevbe ni mwẹ orhiọn dan bu Jesu gha dee.

Iyẹn ne ọ Maan Ọghe Luk 4:40

Ovẹn ghi dero nẹ, emwa hia ni ghi mwẹ ọmwa ne ọ khuọnmwi emianmwẹ ne ọ rhirhi ghi khin keghi viọ iran bu Jesu gha dee, ọ keghi viọ Obọ ẹre yan dọmwadẹ ọghọe vbe uwu iran, ọ keghi mu iran hia egbe rran.

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.