Matiu 8:16 - Edo Bible (E Baibol Ẹdo) Version 1996

¹⁶ Ugbẹn vbe ọ ghi sẹ ota, iran keghi viọ emwa nibun ni mwẹ orhiọn esu bu Jesu rre. Rẹn keghi ya ẹmwẹ unu khulo avbe orhiọn esu ni ladian, ọ keghi sinmwi iran nikhuọnmwi hia.

Matiu 8:16 ပူးပေါင်းရင်းမြစ်များ

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Matiu 12:22

Iran keghi mu okpia ọkpa ne ọ mwẹ orhiọn esu bu Jesu rre, ọ rhu aro ọ keghi vbe re odin. Jesu keghi mu ẹre egbe rran, ọ kegha bẹghe, ọ keghi vbe gha guan.

Matiu 14:14

Jesu keghi kpao hin uwu okọ rre, ugbẹn vbe ọ ghi miẹn avbe emwa na, ohan iran to ẹe ẹsẹse, ọ keghi sinmwi ne egbe ma rran vbe uwu iran.

Matiu 8:15

Jesu keghi ya obọ kan rẹn obọ, emwirraro ni na wa sọrae. Rẹn keghi guakpao, ọ na mu ọghọ ye iran egbe.

Matiu 8:33

Iran ni te gbe aro ghe avbe esiebo ni keghi rhulẹ gha rrie ore ẹvbo ya kha emwi ne aro iran miẹn kevbe emwi ne ọ sunu vbe egbe emwa ni te mwẹ orhiọn esu ni.

Matiu 9:2

Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”

Iyẹn ne ọ Maan Ọghe Mak 2:3

Ikpia eso keghi dada ọmwa ọkpa ne arọ kinmwi bu ẹre rre, iran enẹ ọre ọ mu ẹn.

Iyẹn ne ọ Maan Ọghe Mak 5:8

Ọ ta ẹmwẹ na rhunmwuda ne Jesu na gha tama rẹn wẹẹ, “Orhiọn esu, kpa hin uwu okpia na rre.”)

Iyẹn ne ọ Maan Ọghe Mak 9:25

Jesu ghi ghee, emwa ni gbe ẹbu ye evba hẹko do lẹga iran, ọ keghi gu orhiọn dan ni guan wẹẹ, “Wẹ ne orhiọn odin ne ọ vbe yin ehọ, I tama ruẹn nian ne u ladian vbe egbe ọmọ na, ghẹ ghi dọlegbe la uwu ẹre ọvbehe.”

Iyẹn ne ọ Maan Ọghe Luk 13:12

Jesu ghi bẹghe ẹre, ọ tama rẹn wẹẹ, “Okhuo na, a rhan ruẹn hin obọ emianmwẹ ruẹn re.”

Iyẹn ne ọ Maan Ọghe Luk 4:40

Ovẹn ghi dero nẹ, emwa hia ni ghi mwẹ ọmwa ne ọ khuọnmwi emianmwẹ ne ọ rhirhi ghi khin keghi viọ iran bu Jesu gha dee, ọ keghi viọ Obọ ẹre yan dọmwadẹ ọghọe vbe uwu iran, ọ keghi mu iran hia egbe rran.

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iwinna 5:15

Otiti emwi ne avbe ukọ ru keghi sẹrriọ wẹ, te emwa ghi viọ avbe ọkhọnmwọ ladian, iran ghi viọ iran lovbiẹ ye ukpo ra ewa vbe odẹ wẹ, a deghẹ pita ghi gberra, ne aghọnghọn rẹn de kan eso vbe uwu iran.