Matiu 8:12 - Edo Bible (E Baibol Ẹdo) Version 1996

¹² A ghi khulo iran ne a mobọ roro ighe ọ yan nene Arriọba ku uwu ebiebi vbe ore. Iran ghi gha viẹ, iran, ghi gha rriakọn khuara vbe evba.”

Matiu 8:12 ပူးပေါင်းရင်းမြစ်များ

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Aizaia 65:14

“Iran gha so ihuan oghọghọ, sokpan wa gha viẹ eve orriara.

Matiu 13:38

Ugbo ne ọ kọ ẹe yi ọrọre agbọn na, emwiokọ ni maa ọrọre emwa ni re ọghe nene Arriọba, ohunhun ọrọre iran ni re ọghe Esu.

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 13:50

Iran ghi hẹ iran ku uwu ọgẹn erhẹn. Iran ghi gha viẹ egbe, iran ghi vbe gha rri akọn khuara vbe evba.”

Matiu 21:43

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 25:30

Zẹ vbe ọghe ọguọmwadia ne ẹwobi na, wa si ẹe fi uwu ebiebi vbe ore ne ọ ya gha viẹ egbe, kevbe ne ọ vbe gha rri akọn vbe evba.’

Iyẹn ne ọ Maan Ọghe Luk 13:28

Eve kevbe irriakọn nọkhua khian gha nọ vbe uwẹ a ya bẹghe Ebraham, Aizik, kevbe Jekọb deba avbe akhasẹ hia vbe Arriọba Osanobua, vberriọ, a sẹ uwẹ rae ye ore.

Iwinna 3:25

Wa ọre ọ yan emwi hia ne Osanobua la unu avbe akhasẹ ọre ve, ile ne Osanobua gu avbe erha uwa odede ta, vbe ma sẹ uwa egbe. Vbene ọ tama Ebraham wẹẹ, ‘Uniẹn ruẹn ọre I ra la obọ ẹre fiangbe emwa hia ni rre agbọn.’

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

II Pita 2:17

Iran na yevbe ẹzẹ ne ọ kae, iran ye vbe ubimwẹ amẹ ne ẹhoho hoho khian. Osanobua rhie otọ khẹ iran nẹ vbe uwu ebiebi ne ọ dinmwi sẹẹ ehia.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.