Matiu 7:6 - Edo Bible (E Baibol Ẹdo) Version 1996

⁶ “Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

Matiu 7:6 ပူးပေါင်းရင်းမြစ်များ

Itan 11:22

Ose ne ọ rre egbe okhuo ne ẹ i mwẹ uyinmwẹ, ọ yevbe oroka igoru ne a rhie ye ihue esiebo.

Itan 23:9

Ghẹ gu ọzuọ zẹ iro agbọn, ẹ i zẹ yọ.

Itan 26:11

Ọzuọ ne ọ yin uyinmwẹ okpa yan egbe ukpogieva, te ọ yevbe ekita ne ọ vbe rri ekpa ne ọ kpae.

Itan 26:4

U gha rhie ewanniẹn ye inọta oya, ọmwa oya ọ re uwẹ vbe khin zẹ vbe ọmwa ne ọ nọ nene ọta.

Matiu 15:26

Jesu wanniẹn tama rẹn wẹẹ, “Ọ ma kei ne a gha viọ evbare ne a wẹẹ ne a ya koko emọ ne ivbiakota.”

Matiu 24:10

Emwa ni bun ọre ọ gha lahin iyayi rre vbe ẹghẹ ni. Iran ghi gha ye egbe dẹ, ẹko iran ghi gha khọ egbe.

Matiu 7:5

Wẹ ne ayunukpaegbe! Ka mu ike erhan hin aro ruẹ rre nẹ, erriọ ọre u gha na bẹghe odẹ ya rhie iku erhan hin ọtuẹn aro rre.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.

Filipai 3:2

Wa gha ba iran ni ru emwi dan nii, avbe ekita nii, emwa ni mu yan rẹn wẹ te iran ra gha giagia egbe iran.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 6:6

Vbe iyeke ọna, iran keghi lahin iyayi iran rre. Ẹ ghi gia ru ne a viọ iran werriegbe rre do roiro fi uyinmwẹ werriẹ, rhunmwuda, te iran vbe dọlegbe kan Ovbi Osanobua mu ugbugbe, iran keghi fa ẹre ua vbe sirra emwa hia.

II Pita 2:22

Emwi ne ọ sunu vbe egbe iran, keghi rhie maa wẹ ẹmwata ọ re itan ni khin ne ọ kha re wẹ, “Ekita dọlegbe gha rri ekpa ne ọ kpae,” kevbe wẹ, “Esiebo dọlegbe ya ye egbe fuẹn ọrho vbe a khuẹ ọre nẹ.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.