Matiu 7:29 - Edo Bible (E Baibol Ẹdo) Version 1996

²⁹ Ọ ma ye vbe iran ni ma emwa Uhi. Ẹmwẹ asẹ ọghe obọ ẹre ọre ọ ta.

Matiu 7:29 ပူးပေါင်းရင်းမြစ်များ

Asan-Ibo 8:4

Asẹ ọ re ọba ya ru emwi, a i vbe miẹn ne ọ nọ rẹn wẹ vbe u a ru na.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Maika 3:8

Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

Matiu 5:32

Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Matiu 7:28

Ugbẹn vbe Jesu ghi guan ẹmwẹ na hia nẹ, unu keghi yan emwa ni rre evba rhunmwuda, vbene ọ ya ma emwa emwi hẹ.

Matiu 8:1

Jesu ghi tuorre vbe uhunmwu oke, emwa hia keghi vẹ lelẹe.

Iyẹn ne ọ Maan Ọghe Luk 20:8

Jesu keghi khama iran wẹẹ, “Mẹ i vbe tama uwa ọmwa ne ọ rhie asẹ mẹ ya gha ru avbe emwi na khekherriọ.”

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.