Matiu 7:25 - Edo Bible (E Baibol Ẹdo) Version 1996

²⁵ Okpamẹ keghi daa, ezẹ hia keghi ro dinna oke, ẹhoho keghi dekun owa ni, sokpan ọ ma de rhunmwuda okuta ọre a bọe yan.

Matiu 7:25 ပူးပေါင်းရင်းမြစ်များ

Itan 10:25

Okpẹhoho gha rre, ọ ghi kpolo avbe emwa dan gha rrie sokpan emwa ne ẹ i ru ero rrọọ vbe ai mwẹ ẹbe.

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Matiu 7:26

Sokpan ọmwaikọmwa ne ọ họn ẹmwẹ na ighe ọ ma yae yin, I gha yae gie ọzuọ ọkpa ne ọ bọ owa ẹre yan uzekhae.

Matiu 7:27

Okpamẹ keghi daa, ẹzẹ hia keghi ro dinna oke, ẹhoho keghi dekun owa ni, ọ keghi de, ọ na rẹnkhuan.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Kọlose 2:7

Wa gie inian uwa dinmwi ye uwu irẹn, wa hẹnhẹn ẹdẹ agbọn uwa yan irẹn, ne uwa gha wegbe yọ vbe uwu iyayi uwa, zẹ vbene a ma uwa ẹre. Wa gie ẹko uwa vuọn ne ekpọnmwẹ.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.