Matiu 7:21 - Edo Bible (E Baibol Ẹdo) Version 1996

²¹ “Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Matiu 7:21 ပူးပေါင်းရင်းမြစ်များ

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Matiu 18:19

“Ne I vbe rhie tẹe wẹẹ, wa eva gha sẹtin ku ekhọe gbe ya na erhunmwu nọ emwi ọkpa, Erha mwẹ ne ọ rre ẹrinmwi gha ruẹe ne uwa.

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Matiu 18:35

Jesu keghi gbe ẹe wanniẹn wẹẹ, “Erriọ zẹẹ. Erha mwẹ ne ọ rre ẹrinmwi ra ru uwa, adeghẹ dọmwadẹ ọghọe vbe uwu uwa ma fan ekhọe rua yabọ ọtẹn ọnrẹn.”

Matiu 19:24

Ne I wa rhie tẹe wẹẹ, ne uhunmwu emwi vbe ẹmila la uvun olodẹ gberra ọre ọ gha kẹẹ sẹ ne ọmwa ne ọ fe la Arriọba Osanobua.”

Matiu 25:10

Avbe uvbi ne akpa ni keghi ladian ne iran ya dẹ ofigbọn. Ugbẹn vbe iran ghi ladian nẹ, ọdafẹn ọha keghi rre. Evbokhunvbi isẹn ni mu egbe ye otọ na lelẹe la ehe ne a na rri evbare irhiọha nii, a keghi khui urho.

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Iyẹn ne ọ Maan Ọghe Mak 3:35

Rhunmwuda, ọmwaikọmwa ne ọ ru emwi ne Osanobua ho ọrọre ọtẹn mwẹ nokpia, ọtẹn mwẹ nokhuo kevbe iye mwẹ.”

Iyẹn ne ọ Maan Ọghe Mak 9:47

A deghẹ aro ruẹ ọre ọ ra ya bibi odẹ, wọlọ ẹe rhie fua, u ya aro ọkpa la Arriọba Osanobua, ọre ọ maa sẹ ne a muẹn mu aro ruẹ eva fi uwu ẹrinmwi ne ehianmwẹ ivin.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 13:25

Ọdafẹn ne ọ yan owa gha guakpao, ọ ghi ya khui urho, ẹghẹ nii, wa ghẹ ghi mudia ye ore gha tie, ‘Enọwanrẹn, kie ne ima!’ rẹn ghi wanniẹn tama uwa wẹẹ, ‘I ma rẹn ehe ne uwa ke rre.’

Iyẹn ne ọ Maan Ọghe Luk 18:25

Ne ọmwa ne ọ fe lao Arriọba Osanobua ọre ọ lọghọ sẹ ne uhunmwu ẹmila la uvun olodẹ gberra.”

Iyẹn ne ọ Maan Ọghe Luk 6:46

“Vbọzẹ ne uwa na tie mwẹ, ‘Nọyaẹnmwa, Nọyaẹnmwa’ ugbẹn vbe uwa i ru vbene I wẹ ne uwa gha ru?

Iyẹn ne ọ Maan Ọghe Jọn 14:7

Vbene uwa ghi na rẹn mwẹ nẹ nian, wa gha vbe rẹn Erha mwẹ bare. Ke banbanna kpao nian, wa miẹn ọẹn nẹ, wa vbe rẹn ọnrẹn nẹ.”

Iyẹn ne ọ Maan Ọghe Jọn 15:23

Ọmwa ne ọ khuiwu mwẹ, ọ vbe khuiwu Erha mwẹ ba ẹre.

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iyẹn ne ọ Maan Ọghe Jọn 5:17

Jesu wanniẹn tama iran wẹẹ, “Te erha mwẹ wa winna ẹghẹ hia, ẹ i mwẹ mẹ ma vbe gha winna.”

Iyẹn ne ọ Maan Ọghe Jọn 6:40

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 2:13

Rhunmwuda ẹ i re rhunmwuda ighẹ a họn ẹmwẹ nene Uhi ọre a ya rri asẹ vbe odaro Osanobua, sokpan ne a gha ru vbene Uhi ni kha re.

Ẹfisọs 6:6

Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Hibru 4:6

Iran ni ka họn Iyẹn Ne ọ maa na, ma la owa ya gu Osanobua hẹwẹ, rhunmwuda iran ma yayi. Rhunmwuda ọnii, emwa ọvbehe rrọọ khekherriọ ne a ghi giẹe la owa ya gu Osanobua hẹwẹ.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 4:2

Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.