Matiu 7:2 - Edo Bible (E Baibol Ẹdo) Version 1996

² Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Matiu 7:2 ပူးပေါင်းရင်းမြစ်များ

II Samuẹl 21:5

Iran keghi wanniẹn wẹẹ, “Te Sọl te gha ho ne ọ wa fuẹn ima an fẹẹrẹ, vbe ne ẹ i na vbe sẹ ọkpa rae ye agbọn vbe ehe rhọkpa vbe otọ Izrẹl.

Psalm 109:17

Ihẹn ne a tie yẹ ọre, te ọ gha khian ne a fi ẹre unu! Ẹ i ho ẹmwẹ erhunmwu afiangbe, ai gha miẹn ọmwa ne ọ gha na erhunmwu ne ẹẹn.

Ẹksọdọs 21:24

Aro ye ihe aro, akọn ye ihe akọn, obọ ye ihe obọ, owẹ ye ihe owẹ,

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Obedaia 1:15

“Ẹdẹ bu otọ nẹ ne imẹ ne Nọyaẹnmwa gha bu ohiẹn avbe uhunmwu ẹvbo. Idọm, vbene u ru emwa ọ re a ra vbe ruẹ. Emwi ne u ya ru ẹse ọ re a gha vbe rhie ne uẹn.

Matiu 6:14

“Wa gha ya emwi ne emwa ru uwa re khọ bọ iran, erha uwa ne ọ rre ẹrinmwi gha vbe ya bọ uwa.

Iyẹn ne ọ Maan Ọghe Mak 4:24

Rẹn keghi vbe tama iran wẹẹ, “Wa gha ya emwi ne uwa a rhirhi họn ẹro, uviẹn ne uwa lele bu ohiẹn emwa ọvbehe, ọre Osanobua ra vbe lele bu ohiẹn uwa, ne a kha wẹ, vbe obọ ne ọ tọn sẹ.

Iyẹn ne ọ Maan Ọghe Luk 6:38

Rhie ne emwa ọvbehe, Osanobua gha vbe rhie ne uwa, omwa ne ọ vuọẹn, iyobọ ne wọrhọ, a ghi gha kun ẹnrẹn yuẹ obọ vbene u gha sẹtin mu sẹ. Omwa ne u ya mwa ne ẹrrẹe ọre Osanobua ra vbe ya mwa nuẹn.”

II Kọrinti 9:6

Wa yerre ọmwa ne ọ ye emwiokọ ni bun kọ, ni bun ọre ọ ra vbe rhọ, ọmwa ne ọ ye emwiokọ ne kherhe kọ, emwiokọ kherhe ọre ọ ra vbe rhọ.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.

Giọgis 5:27

Ọ keghi luẹluẹ ye iguẹ. Ọ de gbe otọ, ọ na lovbiẹ hiii vbe owẹ ọre, owẹ ọre, ọ re ọ na luẹluẹ ye iguẹ, ọ na de, ọ de fi otọ, ọ na wu.

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.