Matiu 7:16 - Edo Bible (E Baibol Ẹdo) Version 1996

¹⁶ Uyinmwẹ iran ọre uwa gha ya rẹn iran. Ọkhuẹnkhuẹn i mọ azara ra ne ogigban mọ ohọ.

Matiu 7:16 ပူးပေါင်းရင်းမြစ်များ

Itan 20:11

Ọvbokhan sẹtin rhie egbe ọmwa ne irẹn khin ma vbekpa vbene ọ ru emwi hẹ, wẹ gha wa rẹn a dẹghe ọmwa esi ne ọ ta ẹmwata ọ re nọ.

Matiu 12:33

“Erhan esi ọre ọ mọ ọmọ esi. Erhan dan ọre ọ vbe mọ ọmọ dan, rhunmwuda ọmọ erhan ọre a ya rẹn erhan.

Matiu 7:20

Uyinmwẹ iran ọre uwa gha ya rẹn avbe akhasẹ ohoghe na.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”

Jems 3:12

Etẹn mwẹ, erhan ohọ i sẹtin mọ ọmọ oliv, vberriọ azara i sẹtin mọ ọmọ ohọ, erriọ zẹẹ, ẹzẹ umwẹ i sẹtin lẹ amẹ ne ẹ i fian ladian.

I Samuẹl 24:13

Wẹ họn ẹn vbe a ya ẹe kpa itan wẹẹ, ‘Emwa dan ọ re ọ ru emwi dan,’ sokpan mẹ i ra ya obọ kan ruẹn.