Matiu 7:12 - Edo Bible (E Baibol Ẹdo) Version 1996

¹² “Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Matiu 7:12 ပူးပေါင်းရင်းမြစ်များ

Ezikiẹl 18:21

“A deghẹ ọmwa dan dobọ orukhọ yi, ọ na rhie uhi mwẹ mwẹ, adeghẹ ọ ru emwi ne ọ kere kevbe ne ọ hẹnhẹn, rẹn i ra wu te ọ gha diagbọnya.

Levitikọs 19:18

Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 5:17

“Wa ghẹ ro ighe te imẹ rre do gbe ukhu Uhi e Mosis kevbe ẹmwẹ avbe akhasẹ rua. I ma rre do gbe ukhu ẹre rua, te I rre do rhie ugue yọ.

Iyẹn ne ọ Maan Ọghe Luk 6:31

U ghi gha ru ne emwa ọvbehe vbene uwẹ ho ne iran vbe gha ru ne uwẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.