Matiu 7:11 - Edo Bible (E Baibol Ẹdo) Version 1996

¹¹ Vbene uwa ghi vbe rhia sẹ, wa ye rẹn ya gha rhie emwi ne ọ maa ne ivbi uwa, wa ma ghi la evba rẹn ighe Erha uwa ne ọ rre ẹrinmwi gha viọ emwi esi ne iran ni nọrẹn vbe obọ ẹre.

Matiu 7:11 ပူးပေါင်းရင်းမြစ်များ

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

II Samuẹl 7:19

u keghi vbe dọlegbe ru eyan nian vbe ekpa ọghe uniẹn mwẹ vbe ẹdẹ ne akhuẹ. Wẹ keghi vbe gie aro ọmwa sẹ ọnọna, e Nọyaẹnmwa ne Udazi,

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 85:12

E Nọyaẹnmwa gha gie agbọn ma mwa otọe mwa gha vbe mọ ọmọ ẹsẹse.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 49:15

Rhunmwuda ọnii, e Nọyaẹnmwa keghi kha wẹẹ, “Okhuo gha sẹtin mianmian ọmọ ne ọ biẹe ra ne ọ ghẹ ho ẹmwẹ ovbi ẹre ne ọ biẹe? Ọ gha khọn rẹn ne okhuo sẹtin mianmian ovbi ẹre mẹ i ra mianmian uwẹ ẹdẹdẹmwẹdẹ.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Jerimaia 33:14

E Nọyaẹnmwa keghi kha wẹẹ, “Ẹghẹ dee ne I gha na mu eyan ne I yaan ne ivbi Izrẹl kevbe Juda sẹ.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Matiu 23:9

Wa ghẹ tie ọmwaikọmwa vbe agbọn na ‘Evbavba’ rhunmwuda Evbavba ọkpa ne uwa mwẹ, ẹrinmwi ọre ọ ye.

Matiu 7:10

Ra wa gha rhie ẹyẹn ne ne ọ nọ ehẹn?

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Ebe ne Pọl gbẹẹn gie emwa Rom 3:9

A deghẹ erriọ nọ, ọ mwẹ emwi ne ima ne Ju ya maa sẹ avbe iran ne ẹ i re Ju ra khekherriọ? Hiehie re! I ka zẹ ọre uke nẹ wẹ avbe Ju kevbe avbe iran ne ẹ i re Ju, ọkpa ehia khin, ototọ ẹtin orukhọ ọre ehia ye.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

Galatia 3:22

Sokpan ebe tae nẹ wẹ, obọ orukhọ gba agbọn na hia nẹ, ne iran hia ni yayi miẹn ehe na miẹn rhie vbe emwi ne a la ekpa iyayi Jesu Kristi ve.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

I Jọn 4:10

Emwi ne aho ẹmwẹ ọmwa khin ọre ọ na khin, ẹ i re wẹ, ma ka hoẹmwẹ Osanobua nẹ, sokpan wẹ, rẹn ọre ọ hoẹmwẹ mwa, ọ keghi gie Ovbi ẹre ne ọ do gha re emwi ne a gha la ekpa ẹre ya orukhọ mwa bọ mwa.