Matiu 6:9 - Edo Bible (E Baibol Ẹdo) Version 1996

⁹ Vbenian ọre uwa ya gha na erhunmwu, “ ‘Erha mwa ne ọ rre ẹrinmwi: Gia ya ọghọ ne eni ruẹ nọhuanrẹn,

Matiu 6:9 ပူးပေါင်းရင်းမြစ်များ

II Samuẹl 7:26

Usi ruẹ gha kpọlọ ẹdẹdẹmwẹdẹ, emwa ghi vbe gha kha wẹẹ, ‘E Nọyaẹnmwa ne Oghodua ọrọre Osanobua Izrẹl.’ U gha vbe gie uniẹn arriọba mwẹ gha rrọọ ẹdẹdẹmwẹdẹ.

I Ọba 8:43

u ghi họn erhunmwu iran vbe ehe ne u ye vbe ẹrinmwi, ne u vbe ru emwi ne iran wẹ ne u ru, ne emwa ne agbọn hia miẹn ehe na rẹn ruẹn ne iran vbe gha mu ohan ruẹn zẹ vbene emwa ruẹn mu ohan ruẹn. Iran ghi do rẹn wẹ Ọgua Osa na ne I bọ ẹe na ọrọre ehe ne a na ga a.

I Krọnikol 17:24

Otiti ruẹ gha kpolo, emwa hia ghi vbe gha kha rhinrin ẹdẹ wẹẹ, ‘E Nọyaẹnmwa ne Oghodua ọrọre Osanobua iran ne ivbi Izrẹl.’ We gha vbe rhie uniẹn ọba mwẹ lẹre rhinrin ẹdẹ.

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Nehimaia 9:5

Avbe Livai na — e Jesua, e Kadmiẹl, e Bani, e Hasiabneia, e Siẹrebia, e Hodaia, e Siebanaia kevbe Pẹtahia keghi datie emwa ne iran gha die ugamwẹ wẹẹ: “Wa kpaegbe, ne uwa rho e Nọyaẹnmwa ne Osanobua uwa, wa gie emwa hia rho eni ẹnrẹn ne ọ mwẹ uyi, a gha rhe miẹn wẹ urhomwẹ emwa nagbọn ne ọ sẹe i rrọọ.”

Psalm 111:9

Ọ fannọ emwa rẹn yotọ ọ keghi gu iran ta ile etẹbitẹ. Ọmwa ne ọ huanrẹn kevbe ne ọ mwẹ ẹtin ọ re irẹn khin.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Aizaia 64:8

Sokpan, wẹ ọrọre erha mwa, Nọyaẹnmwa, te ima yevbe obuẹ, wẹ keghi yevbe ọmakhe. Wẹ ọ re ọ yi ima,

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Ezikiẹl 36:23

I gha rhie igiemwi uhuanmwẹ eni mwẹ nọkhua ma avbe uhunmwu ẹvbo nẹ, eni ne uwa faraa vbe ehe ne iran ye, ẹghẹ nii, iran gha rẹn ighe mẹ ọrọre Nọyaẹnmwa. Mẹ ne Nọyaẹnmwa ne Udazi ọ re ọ tae. I gha ya uwu rhie igiemwi ma avbe uhunmwu ẹvbo wẹ ọmwa nọhuanrẹn ọ re imẹ khin.

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 10:29

A miẹn ogbodu dẹ ọre eva ikọbọ. Sevba ọkpa kẹkan i sẹtin de fi otọ vbene Erha uwa ma na kue yọ.

Matiu 23:9

Wa ghẹ tie ọmwaikọmwa vbe agbọn na ‘Evbavba’ rhunmwuda Evbavba ọkpa ne uwa mwẹ, ẹrinmwi ọre ọ ye.

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Matiu 6:14

“Wa gha ya emwi ne emwa ru uwa re khọ bọ iran, erha uwa ne ọ rre ẹrinmwi gha vbe ya bọ uwa.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Matiu 7:11

Vbene uwa ghi vbe rhia sẹ, wa ye rẹn ya gha rhie emwi ne ọ maa ne ivbi uwa, wa ma ghi la evba rẹn ighe Erha uwa ne ọ rre ẹrinmwi gha viọ emwi esi ne iran ni nọrẹn vbe obọ ẹre.

Iyẹn ne ọ Maan Ọghe Luk 15:18

I ra do bu erha mwẹ gha khian ne I ya tama rẹn wẹẹ, Evbavba, I rukhọ ghe Osanobua kevbe uwẹ nẹ.

Iyẹn ne ọ Maan Ọghe Luk 15:21

Ovbi ẹre keghi tama rẹn wẹẹ, ‘Evbavba, I rukhọ ghe Osanobua kevbe uwẹ nẹ, I ma kei ne a gha ye gha tie ẹre ovbi uẹ ọvbehe.’

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”

Arhie Maan 5:12

Iran keghi ya urhu le ọ la so ihuan wẹẹ: “Oteghe Ohuan ne a te gbe ua sẹe, Ne ọ gha miẹn asẹ ẹfe, ẹwaẹn kevbe ẹtin. Uyi, ọghọ kevbe urhomwẹ!”