Matiu 6:6 - Edo Bible (E Baibol Ẹdo) Version 1996

⁶ Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Matiu 6:6 ပူးပေါင်းရင်းမြစ်များ

II Ọba 4:33

Ọ keghi khui urho, ọ na na erhunmwu ghe Nọyaẹnmwa.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Itan 25:22

U gha ye vbe rrio mu erhẹn ekhue tọẹn, e Nọyaẹnmwa gha vbe san ruẹn ẹse.

Aizaia 26:20

Wa la uwu owa uwa, wa ne emwa mwẹ, ne uwa khui urho ke egbe yi. Wa ya lẹre nẹ kherhe, ohu Osanobua te do dọyọ.

Aizaia 65:24

Iran te na erhunmwu fo, erhunmwu iran mẹ họn nẹ.

Matiu 14:23

Ugbẹn vbe ọ ghi zẹ iran urrie nẹ, rẹn ọkpa keghi hin uhunmwu oke ne ọ ya na erhunmwu. Ebi ro nẹ, Jesu ọkpa keghi ye gha rre evba.

Matiu 6:18

ne emwa ọvbehe ghẹ rẹn ighe aguẹ ọre u ye, na miẹn wẹ Erhaa ne a i bẹghe ọkpa ọre ọ rẹnrẹn. Erhaa ne ọ rẹn emwi ne u ru vbe ẹkhokho gha san ruẹn ẹse.

Matiu 6:4

Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Iyẹn ne ọ Maan Ọghe Jọn 1:48

Nataniẹl nọ rẹn wẹẹ, “Vbe u a ya rẹn mwẹ hẹe?” Jesu wanniẹn tama rẹn wẹẹ, “I bẹghe ruẹ vbe u rre ototọ erhan ohọ vbe Filip te do tie ruẹ.”

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 10:9

Vbe ikpẹdẹ ne ọ lele ẹe vbe iran ghi khian sẹ Jopa, Pita keghi hin odukhunmwu ihie owa ne ọ ya na erhunmwu vbe ẹghẹ ogiavan.

Iwinna 9:40

Pita keghi viọ iran hia ladian vbe ughugha nii, ọ keghi diguẹ, ọ na na erhunmwu, ọ mu aro da ikun ẹnrẹn nii, ọ wẹẹ, “Tabita, kpaegbe!” Rẹn keghi rhan aro ua, ọ ghi bẹghe Pita, ọ keghi kpaegbe tota.

Ebe ne Pọl gbẹẹn gie emwa Rom 8:5

Rhunmwuda, emwa ni ru vbene egbe zẹ vbene a yiẹe ho, egbe zẹ vbene a yiẹe, ọre ọ ta ma iran emwi ne iran gha ru. Sokpan iran ni ru vbene Orhiọn ho, Orhiọn ọre ọ vbe tama iran emwi ne iran gha ru.

Ẹfisọs 3:14

Rhunmwuda ọnii, ọna ọre ọ si ẹe ne I na defi igue vbe odaro Evbavba.