Matiu 6:5 - Edo Bible (E Baibol Ẹdo) Version 1996

⁵ “U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Matiu 6:5 ပူးပေါင်းရင်းမြစ်များ

Psalm 5:2

Danmwehọ utumwẹ ne I tu ya nọ iyobọ Osanobua mwẹ kevbe ọba mwẹ! Wẹ ọ re I na erhunmwu ghe Nọyaẹnmwa,

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 16:5

Te ẹmwẹ ọmwaikọmwa ne ọ tọn egbe mu sọnnọ e Nọyaẹnmwa; ẹ i vbe gie irrioya la iran ban ẹdẹdẹmwẹdẹ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Jerimaia 29:12

Ẹghẹ nii, wa gha tie mwẹ. Wa gha do na erhunmwu gha mwẹ, mẹ ghi vbe họn erhunmwu uwa.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Matiu 21:22

Deghẹ wa yayi, emwi ne uwa rhirhi nọọn, ọ gha sẹ uwa obọ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Matiu 23:6

Ehe ne ọ ghi maa sẹ vbe ehe ne a na ghe ẹbu gha rri evbare, ọre ọ yẹ iran ne a tota yi, erriọ vbe nọ vbe Ọgua ediọn.

Matiu 6:1

“Mu egbe ruẹ ye ọghọ ne iwinna ugamwẹ iyayi ruẹ ghẹ gha re ọghe nababẹghe mwẹ, ọ gha khian ọghe ne a ya voro vberriọ nẹ, Erhaa ne ọ rre ẹrinmwi i ghi san ruẹ ẹse.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 6:2

“Rhunmwuda ọnii, u gha rhie emwi ne nẹi mwẹ, ghẹ yae khian wa do ghe, zẹ vbe ne avbe iran ni zẹ imamase ru vbe ada kevbe Ọgua ediọn. Te iran ruẹe ne a ba gha tian iran. Ere ne ọ rrọọ ne iran wa vbe fo nẹ vbe vba.

Matiu 9:38

Wa na erhunmwu ne Nọyaẹnmwa gie emwa nibun gha dee ne iran do rhọ emwiorhọ la owa.”

Iyẹn ne ọ Maan Ọghe Mak 11:25

U gha mudia ne u na erhunmwu, yabọ emwi ne emwa a rhirhi ru uẹ re, ne Erha a ne ọ rre ẹrinmwi miẹn ehe na ye orukhọ ruẹ bọọ.

Iyẹn ne ọ Maan Ọghe Mak 12:38

Ẹko wa rhiẹnrhiẹn emwa ni gbe ẹbu ye evba gha danmwehọ ọ ghi ma iran emwi, ọ tama iran wẹẹ, “Wa rhie aro ye otọ vbe egbe iran ni ma emwa Uhi, ni hẹ yo hẹ rre ke iran kevbe agbada ne ọ sẹ otọ fo, ne emwa miẹn ehe na gha ye ọghọ kpe tuẹ iran vbe obọ eva vbe adesẹ ẹki.

Iyẹn ne ọ Maan Ọghe Luk 11:43

“Ọ suaa, wa ne Farisi, Aga ni maa sẹ vbe Ọgua ediọn, ọre ọ yẹ uwa. Wa ghi vbe gha ho ne a gha kpee tuẹ uwa vbe ẹki.

Iyẹn ne ọ Maan Ọghe Luk 18:1

Jesu keghi kpa itan na ma iran ne ọ ya ma iran ẹre wẹ ne iran ghẹ gie egbe erhunmwu ne a na wọ iran.

Iyẹn ne ọ Maan Ọghe Luk 18:13

Ne ọ koko igho uhunmwu na ya mudia vbe urria, ohan ma gi ẹe tọn aro mu ghe odukhunmwu, sokpan ọ keghi gba obọ ginna ẹwẹe, ọ wẹẹ, ‘Osanobua tohan mwẹ, mẹ ne ọmwa orukhọ.’ ”

Iyẹn ne ọ Maan Ọghe Luk 20:47

Iran ni miẹn ehe na la avbe ẹgbẹ egbe, iran keghi gbe iran miẹn iran owa iran, iran ghi gha na erhunmwu ne ọ taẹn ọghe ne a ba bẹghe mwẹ. Iran ọre a ra rri ọre oya ne ọ sẹ re vbe ehia.”

Iyẹn ne ọ Maan Ọghe Luk 6:24

“Sokpan ọ sẹ uwa ni fe; wa rri orhiẹnrhiẹn ẹdẹ agbọn uwa fo nẹ.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

I Tẹsalonaika 5:17

Wa gha na erhunmwu vbe ẹghẹ hia.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”