Matiu 6:4 - Edo Bible (E Baibol Ẹdo) Version 1996

⁴ Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Matiu 6:4 ပူးပေါင်းရင်းမြစ်များ

Psalm 139:12

sokpan ebiebi i so vbe ehe ne u ye, te asọn ye gboo zẹ vbe ogiavan. Ebiebi kevbe uwanmwẹ, ọkpa eveva khin nuẹn.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Itan 25:22

U gha ye vbe rrio mu erhẹn ekhue tọẹn, e Nọyaẹnmwa gha vbe san ruẹn ẹse.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 6:18

ne emwa ọvbehe ghẹ rẹn ighe aguẹ ọre u ye, na miẹn wẹ Erhaa ne a i bẹghe ọkpa ọre ọ rẹnrẹn. Erhaa ne ọ rẹn emwi ne u ru vbe ẹkhokho gha san ruẹn ẹse.

Matiu 6:3

U gha ru ẹse ne nẹi mwẹ, giee gha re uma uwẹ vbe ọre ọkpa, vbe ne ose ruẹ ne ọ sikẹ ruẹ sẹ i na rẹn.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Iyẹn ne ọ Maan Ọghe Luk 14:14

a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

Iyẹn ne ọ Maan Ọghe Luk 8:17

“Emwi ne a rhirhi rhie lẹre gha dinna azagba, a gha vbe miẹn emwi ne a guere a ghi mu ẹn dinna idagbo.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.