Matiu 6:25 - Edo Bible (E Baibol Ẹdo) Version 1996

²⁵ “Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

Matiu 6:25 ပူးပေါင်းရင်းမြစ်များ

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Jerimaia 45:5

Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Matiu 10:19

Iran gha viọ uwa ye erhan ẹzọ, wa ghẹ mu udu kee ba ẹmwẹ ne uwa gha ta ra vbene uwa gha tae hẹ. Ọ gha sẹ ẹghẹ, a gha rhie ẹmwẹ ne uwa gha ta ye uwa unu.

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Matiu 6:31

“Rhunmwuda ọnii, wa ghẹ ghi si osi ba ẹmwẹ vbia gha re e? Vbia gha da? Vbia gha rhuan?

Matiu 6:34

Rhunmwuda ọnii, wa ghẹ mu udu kee ba ẹmwẹ ẹdẹ na khuẹ. Akhuẹ gha vbe gha mwẹ oyanghan ọghe obọ re. Ọma kei ne a vbe silo ivboo gbe orueghe ne ikpẹdẹ ọkpọkpa hẹ mwẹ obọ rre.

Iyẹn ne ọ Maan Ọghe Mak 13:11

Iran gha munọ uwa hẹ gha rrie iko, wa ghẹ si osi ye ẹmwẹ ne uwa gha ta. Ẹghẹ gha sẹ, ta ẹmwẹ ne a rhirhi rhie nuẹn ta vbe ẹghẹ nii. Rhunmwuda ẹ i re ẹmwẹ obọ ruẹ ọre u ra ta, ehe ne Orhiọn Nọhuanrẹn ye ọre ọ ra ke rre.

Iyẹn ne ọ Maan Ọghe Mak 4:19

Sokpan orhikhan ẹmwẹ agbọn na, ẹmwẹ ẹfe, kevbe emwi ni ghi viẹn ye emwa aro hia, keghi hihiẹ rre, iran keghi khuakhua ẹmwẹ ni gbua, ọ ma ghi mọ.

Iyẹn ne ọ Maan Ọghe Luk 12:11

“A gha mu ẹn gha rrie Ọgua ediọn, odaro ne ọ khaemwisẹ ra odaro enogie ne a ya gu ẹe gui, ghẹ si osi ba ẹmwẹ vbene u gha gui hẹẹ ra ẹmwẹ ne u gha ta.

Iyẹn ne ọ Maan Ọghe Luk 8:14

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

I Kọrinti 7:32

I gha wẹ ne uwa kannọ ohawa obọ hin egbe rre. Okpia ne ọ re ọhae, ifi iwinna Nọyaẹnmwa ọre ọ muẹn, rhunmwuda, ọ hia ne ọ ru ne ọ yẹ Nọyaẹnmwa.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.