Matiu 6:24 - Edo Bible (E Baibol Ẹdo) Version 1996

²⁴ “Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Matiu 6:24 ပူးပေါင်းရင်းမြစ်များ

Gẹnẹsis 47:17

Rhunmwuda ọnii, iran keghi viọ emwirri iran hia gie Josẹf, ọ na ye evbare gha rọe ne iran, avbe ẹsin, ohuan ke ẹwe, ẹmila ke ekẹtẹkẹtẹ. Ukpo nii, ọ keghi ya evbare rọ emwirri iran hia ne iran.

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

II Ọba 17:41

Ẹre a na miẹn wẹ, emwa nii ga e Nọyaẹnmwa, sokpan iran kevbe gha gho ẹbọ iran bare. Do sẹ ẹdẹnẹrẹ na, te uniẹn ivbi iran ye ru vberriọ.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Iyẹn ne ọ Maan Ọghe Luk 16:11

A gha miẹn ighẹ ero ọre uwẹ ru ye ẹmwẹ ẹfe agbọn na, vbe a gha na rhie ẹfe ne ẹfe nuẹn hẹẹ?

Iyẹn ne ọ Maan Ọghe Luk 16:13

“Ọguọmwadia ọkpa ne ọ gha sẹtin ga arowa eva ẹ i rrọọ, ọ gha ho ẹmwẹ ọkpa ọ ghi gha mu ohu enọkpa, ọ gha mwẹ ekhọe esi ghe ọkpa ọ ghi gha zan nọkpa. Wa i sẹtin ga Osanobua ga igho.”

Iyẹn ne ọ Maan Ọghe Luk 16:9

Jesu keghi rhie te ẹe wẹẹ, “Ne I tama uwa nian, wa ye ẹfe agbọn na ne uwa mwẹ zẹ ọse ne egbe uwa, a i rẹn vbe ọ gha ghi hiẹ uwa, ne a miẹn ehe na miẹn uwa ye owa etẹbitẹ.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”