Matiu 6:22 - Edo Bible (E Baibol Ẹdo) Version 1996

²² “Aro ọrọre uwanmwẹ egbe, a deghẹ aro ruẹ hianrẹn, egbe ruẹ hia ghi vuọn ne uwanmwẹ.

Matiu 6:22 ပူးပေါင်းရင်းမြစ်များ

Aizaia 5:20

Ọghe uwa fo nẹ! Wa ni tie emwi dan emwi esi, kevbe emwi esi, emwi dan. Wa fi ebiebi werriẹ khian uwanmwẹ, wa keghi fi uwanmwẹ werriẹ khian ebiebi! Wa ya emwi ne ọ rriara khian ne ọ rhiẹnrhiẹn, wa keghi ya ne ọ rhiẹnrhiẹn khian ne ọ rriara.

Matiu 5:15

A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

Ẹfisọs 6:5

Eviẹn ọmwa, wa gha họn ẹmwẹ ne arowa uwa ne agbọn vbe ohan kevbe uguọmwẹ, wa gha ya ekhọe ẹmwata ru ẹe vbene a miẹn wẹ Kristi ọre uwa ru ẹe na.

Kọlose 3:22

Wa ne eviẹn, wa gha họn ẹmwẹ ne arowa uwa ne agbọn na, vbe emwi hia, wa gha ru vberriọ, ẹ i re vbe iran a gha bẹghe uwa ọkpa, ne iran ba miẹn ehe na gha ye aro esi ghe uwa, sokpan wa gha ye ẹkoata ru ẹe, rhunmwuda ọghọ, ne uwa rhie ne Nọyaẹnmwa.