Matiu 6:2 - Edo Bible (E Baibol Ẹdo) Version 1996

² “Rhunmwuda ọnii, u gha rhie emwi ne nẹi mwẹ, ghẹ yae khian wa do ghe, zẹ vbe ne avbe iran ni zẹ imamase ru vbe ada kevbe Ọgua ediọn. Te iran ruẹe ne a ba gha tian iran. Ere ne ọ rrọọ ne iran wa vbe fo nẹ vbe vba.

Matiu 6:2 ပူးပေါင်းရင်းမြစ်များ

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 37:21

Ọmwadan mọmọ emwi, sokpan ẹ i hae, sokpan, ọmwa esi ghi gha zẹ emwi obọ.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 20:6

Dọmwadẹ ọghọe ọ re ọ kha ighe ọmwa ne ọ ye ekhọe ga ne ọ gia mu ẹtin yan ọ re irẹn khin. Akpawẹ a gha gele miẹn ọmwa okpa ne ọ ye vberriọ nian.

Asan-Ibo 11:2

Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Matiu 15:7

Wa ni zẹ imamase, te Aizaia wa ta uwa umian ẹkpo ne ọ na kha wẹẹ,

Matiu 16:3

Ovẹn gha yan rre ighẹ iso na gha baa, ọ na vbe bi nu nu nu, wa ghi wẹẹ, ‘Amẹ khian rhọ.’ Wa sẹtin ghe aro iso ya kha vbene ẹdẹ ra gha ye hẹ, vbọzẹ ne uwa i na sẹtin ghe ama ya ta umian ehe ne ẹghẹ na ye na gbe rrie?”

Matiu 22:18

Sokpan Jesu wa rẹn ehe ne iran ghae yi, rhunmwuda ọnii, ọ wanniẹn tama iran wẹẹ, “Wa ni zẹ imamase, vbọzẹ ne uwa na ho mwẹ ẹmwẹ ne unu?

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Matiu 23:6

Ehe ne ọ ghi maa sẹ vbe ehe ne a na ghe ẹbu gha rri evbare, ọre ọ yẹ iran ne a tota yi, erriọ vbe nọ vbe Ọgua ediọn.

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 5:18

Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 6:3

U gha ru ẹse ne nẹi mwẹ, giee gha re uma uwẹ vbe ọre ọkpa, vbe ne ose ruẹ ne ọ sikẹ ruẹ sẹ i na rẹn.

Matiu 6:5

“U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Matiu 7:5

Wẹ ne ayunukpaegbe! Ka mu ike erhan hin aro ruẹ rre nẹ, erriọ ọre u gha na bẹghe odẹ ya rhie iku erhan hin ọtuẹn aro rre.

Iyẹn ne ọ Maan Ọghe Mak 12:39

Iran ni ho ukpo ne ọ yo sẹ vbe Ọgua ediọn kevbe ehe ne a na gbe ẹbu gha rri evbare.

Iyẹn ne ọ Maan Ọghe Mak 7:6

Jesu zẹ wanniẹn iran wẹẹ, “Ẹmwata ọre Aizaia wa ta vbe ẹmwẹ ne ọ guan vbe ekpa uwa. Emwa ẹkẹ vbe iwẹnwẹn wa khin zẹẹ vbene ọ gbẹn ọẹn. “ ‘Osanobua khare wẹẹ, Ukpunu avbe emwa na ya ye ọghọ mẹ, sokpan ekhọe iran khian rrei mẹ.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iyẹn ne ọ Maan Ọghe Luk 11:43

“Ọ suaa, wa ne Farisi, Aga ni maa sẹ vbe Ọgua ediọn, ọre ọ yẹ uwa. Wa ghi vbe gha ho ne a gha kpee tuẹ uwa vbe ẹki.

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 12:56

Wa ne emwa ẹkẹ vbe iwẹnwẹn, wa sẹtin rhan otọ ama ne otọ ke iso rhie maa, vbe ọ ghi zẹ ne uwa ma na rẹn otọ vbene ẹghẹ khare na?

Iyẹn ne ọ Maan Ọghe Luk 13:15

Nọyaẹnmwa keghi wanniẹn tama rẹn wẹẹ, “Wa ne emwa ẹkẹ vbe iwẹnwẹn, wa rhan ẹmila ra ẹsin uwa vbe Ẹdẹ Ikẹtin, wa ghi vbe siẹe ladian ya wọn amẹ.

Iyẹn ne ọ Maan Ọghe Luk 20:46

“Wa gha ba egbe vbe egbe iran ni ma emwa Uhi ni hẹ yo hẹ rre, ke iran kevbe agbada ne gurọọ, iran ghi vbe gha ho ne a gha kpe tuẹ iran vbe ẹki, aga iran ni gbakhia ọre iran ho ne iran gha tota yi vbe Ọgua ediọn kevbe ehe ne a na gbe ẹbu evbare.

Iyẹn ne ọ Maan Ọghe Luk 6:24

“Sokpan ọ sẹ uwa ni fe; wa rri orhiẹnrhiẹn ẹdẹ agbọn uwa fo nẹ.

Iyẹn ne ọ Maan Ọghe Luk 6:42

Vbọzẹ ne u gha na tama ọtuẹn wẹ, ‘Ọtẹn mwẹ, gunmwẹ rhie iku erhan nii hin ruẹn aro rre,’ ugbẹn vbe uwẹ ma bẹghe ike erhan ne ọ rre uwẹ aro? Ọmwa ẹkẹ vbe ero, ka mu ike erhan hin aro ruẹ rre nẹ, ẹghẹ nii ọre u gha na bẹghe odẹ ya rhie iku erhan ne ọ rre ọtuẹn aro hin rre.

Iyẹn ne ọ Maan Ọghe Jọn 13:29

Rhunmwuda ighẹ Judas ọre ọ da ẹkpo igho yi, eso vbe uwu avbe erhuanegbe keghi te ro ighẹ te Jesu wẹ ne ọ ya dẹlẹ emwi ne iran ra ya ru emwi ukpo, ra nọ rhie emwi ne avbe ivbiogue.

Iyẹn ne ọ Maan Ọghe Jọn 5:41

“I ma wẹ ne ọmwa tian mwẹ.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 24:17

“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 13:3

Ọ gha khọn rẹn ne I ya emwi ne I mwẹ hia ru ẹse, uhin ya sẹ egbe ikinnegbe mwẹ ne aregbe, wẹ ne a giẹn uan vbe erhẹn, a deghẹ mẹ i mwẹ aho ẹmwẹ ọmwa, ere ọkpa ẹ i rrọọ mẹ.

Galatia 2:10

Emwi ọkpa ne iran ghi kha ọrọre wẹ, ne ima gha ye avbe emwa ne ẹ i mwẹ ni rre ehe ne iran ye rre, mẹ ka tobọ mwẹ mu aro yọ nẹ ne I ru ọnọna.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

I Tẹsalonaika 2:6

Ma ma ho ne ọmwa rhọkpa tian ima, ọre uwa nọ, ra emwa ọvbehe.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.

Failimọn 1:7

Ọtẹn mwẹ ne ọ ghan, aho ẹmwẹ ọmwa ruẹn wa yẹ ọyẹnmwẹ sẹ mwẹ ẹsẹsẹmwẹse, ọ keghi vbe rhie ẹtin yọ mwẹ iwu, rhunmwuda, u ye ekhọe emwa Osanobua hia gua kpao.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.

I Samuẹl 15:30

E Sọl keghi wanniẹn wẹẹ, “I rukhọ nẹ, sokpan, mu uyi yọmwẹ egbe vbe sirra avbe ọkaolotu emwa mwẹ kevbe Izrẹl hia. Lele mwẹ werriegbe ne I miẹn ehe na ya ga e Nọyaẹnmwa ne Osanobua ruẹ.”