Matiu 6:19 - Edo Bible (E Baibol Ẹdo) Version 1996

¹⁹ “Wa ghẹ si ẹfe koko ye agbọn na ne egbe ruẹ, ehe ne ọkhọe kevbe ọtọn na sẹtin rhia rua, ehe ne avbe oyi na gbe urho ya gha rhaa.

Matiu 6:19 ပူးပေါင်းရင်းမြစ်များ

Job 24:16

Asọn gha rre, oyi ghi gbe urho la owa, sokpan, ọ gha sẹ avan, iran ghi lẹre, iran ghi gha lẹ ne uwanmwẹ.

Job 31:24

“I ma he mu ẹtin yan ẹfe ẹdẹ,

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Ẹksọdọs 22:2

Te ọ gha ha osa ẹre. A deghẹ ẹ i mwẹ emwi rhọkpa, a ghi mu irẹn khiẹn ne a ya ha osa emwi ne ọ do viọ. Emwi ne ọ do mu nii, a gha miẹn ọẹn vbe obọ ẹre vbe ọ ma he wu, ọre ẹmila nọ ra ekẹtẹkẹtẹ ra ohuan, ọ ghi ha ukhukhu eva. “A deghẹ obọ vba oyi vbe ọ wa gbe ẹkhu la owa vbe asọn a na gbe ẹe rua, ọmwa ne ọ gbe ẹe rua nii ma de izigha. Sokpan a deghẹ avan nọ, te ọ de izigha.

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Matiu 6:20

Sokpan wa si ẹfe koko ye ẹrinmwi, ehe ne ọkhọe kevbe ọtọn i na sẹtin mu ẹn rhiaa, ehe ne avbe oyi i na gbe urho ya gha rhaa.

Iyẹn ne ọ Maan Ọghe Luk 12:21

Jesu keghi rhie ugue yọ wẹẹ, “Erriọ zẹẹ ọ gha ye ne iran ni silo ẹfe gboo ne egbe iran, ne ẹ i mwẹ emwi rhọkpa vbe odaro Osanobua.”

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 12:39

Wa ye rre o, akpawẹ ọdafẹn ne ọ yan owa rẹn ẹghẹ ne oyi gha ya rre, ẹ i ghẹ gie avbe oyi gbe urho la irẹn owa.

Iyẹn ne ọ Maan Ọghe Luk 18:22

Jesu ghi họn ẹmwẹ na, ọ tama rẹn wẹẹ, “Emwi ọkpa ọre ọ ghi kẹe nuẹn, ya khiẹn emwi ruẹn hia, viọ igho ẹre ne avbe ivbiogue, u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iyẹn ne ọ Maan Ọghe Luk 18:24

Jesu keghi miẹn wẹ ẹko ma rhiẹnrhiẹn ọẹn, ọ keghi wẹẹ, “Ọ gha ba so emwa ni fe iran ke do la Arriọba Osanobua.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”