Matiu 6:17 - Edo Bible (E Baibol Ẹdo) Version 1996

¹⁷ Wẹ gha rre aguẹ, sa amẹ kpe aro ua, salọ eto ruẹ,

Matiu 6:17 ပူးပေါင်းရင်းမြစ်များ

II Samuẹl 12:20

E Devid keghi kpaegbe vbe otọ, ọ keghi ya khuẹ, ọ salọ eto, ọ na fi ukpọn werriẹ. Ọ kegha rrie uwu owa e Nọyaẹnmwa, ọ na ya ga ẹe. Ọ ghi dọlegbe sẹ ẹguae, ọ keghi nọ evbare, ọ na wa rri ọe ọwarọkpa vbe a mu ne ẹẹn nẹ.

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

Asan-Ibo 9:8

Gie ọyẹnmwẹ gha sẹ uwẹ vbe ẹghẹ hia ne u vbe gie aro gha ma ruẹn vbe uhunmwu.

Ebe Rut 3:3

Rhunmwuda ọnii, ya khuẹ ye ori ne ọ winhin wuo, ne u viọ ukpọn ruẹn ni maa sẹẹ ye egbe, ne u gha rrie ehe ne ọ na khuọn ọka, sokpan, ghẹ gie ẹe rẹn ighẹ u rre evba ọ te do re ke ne ọ vbe da fo.