Matiu 6:10 - Edo Bible (E Baibol Ẹdo) Version 1996

¹⁰ gie Arriọba ruẹ rre, gia gha ru iho ruẹ vbe agbọn vbe ne iran ru vbe ẹrinmwi.

Matiu 6:10 ပူးပေါင်းရင်းမြစ်များ

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Daniẹl 7:13

Vbe uwu u mian na vbe asọn nii, I keghi bẹghe emwi ọkpa ne ọ yevbe ọmwa. Ọ kegha bu mwẹ dee, okuku amẹ wa lẹga ẹre, ọ keghi bu ọmwa ne ọ wa rrọọ dee ẹdẹdẹmwẹdẹ nii, a na rhie ẹre ma rẹn.

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Matiu 3:2

“Wa zobọ vbe orukhọ ne a ru rhunmwuda Arriọba ẹrinmwi sotọ fo.”

Matiu 4:17

Ke ẹghẹ ni kpao ọre Jesu na suẹn gha kporhu, ọ wẹẹ, “Wa ro iro fi uyinmwẹ werriẹ, rhunmwuda Arriọba ẹrinmwi sẹ otọ fo.”

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Mak 11:10

Te Osanobua gha fiangbe arriọba ne ọ dee, ọghe Devid ne erhamwa! Urhomwẹ nọ ne Osanobua.”

Iyẹn ne ọ Maan Ọghe Mak 3:35

Rhunmwuda, ọmwaikọmwa ne ọ ru emwi ne Osanobua ho ọrọre ọtẹn mwẹ nokpia, ọtẹn mwẹ nokhuo kevbe iye mwẹ.”

Iyẹn ne ọ Maan Ọghe Luk 19:11

Jesu keghi kpa itan na ma iran ni danmwehọ ẹre, ọ wa sẹ ọkpẹn Jerusalẹm nẹ, iran hia keghi te ro ighe to Arriọba Osanobua ghi ra suẹn.

Iyẹn ne ọ Maan Ọghe Luk 19:38

“Te Osanobua gha fiangbe ọba ne ọ dee vbe eni Nọyaẹnmwa! Ọfumwegbe vbe ẹrinmwi kevbe uyi ne Osanobua.”

Iyẹn ne ọ Maan Ọghe Luk 22:42

Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [

Iyẹn ne ọ Maan Ọghe Jọn 4:34

Jesu tama iran wẹẹ, “Evbare mwẹ ọrọre ne I họn ẹmwẹ ọmwa ne ọ gie mwẹ uhunmwu, ne I vbe winna okhuo ne ọ fian mẹ fo.

Iyẹn ne ọ Maan Ọghe Jọn 6:40

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Iwinna 21:14

Ma ma sẹtin fi ẹre ekhọe werriẹ, ọre ima na ghi kẹtin rre, ma na ghi kha wẹ, “E nọ yẹ Osanobua ọre a gha ru.”

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ẹfisọs 6:6

Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.

Hibru 10:7

Rhunmwuda ọnii ọre I mẹ na kha wẹẹ, ghe mwẹ vbe emwa na Osanobua. Ne I ru ne uwẹ ho ne I ru zẹ vbene a gbẹn ọẹn ye otọ mẹ vbe ebe nene Uhi.”

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 4:2

Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.

Arhie Maan 19:6

I keghi họn emwi ne ọ ye vbe urhu emwa ni bun ẹsẹse ọ ye vbe uvanmwẹ okpamẹ ne ọ rhọ ke okuta ne ọ yo ku otọ, ọ ye vbe ne avan vannọ yan egbe. I keghi họn vbe iran khare wẹẹ, “Wa rho Osanobua! Rhunmwuda e Nọyaẹnmwa Osanobua ne Oghodua ọrọre Ọba!

Arhie Maan 20:4

Vbe iyeke ọnii, I keghi do bẹghe avbe ẹkete kevbe iran ni tota yọ, a keghi rhie ẹtin ne iran, ne iran ya gha bu ohiẹn, I keghi vbe bẹghe orhiọn avbe emwa ne a gbele ba ẹmwẹ wẹ, iran kpe orhu ẹmwata ne Jesu rhie rre kevbe ẹmwẹ Osanobua. Iran ma ya uhunmwu rhanmwẹ otọ ne aranmwẹ oha nii, ra amazẹ ọre, ra a ma wẹ ne a vin ama aranmwẹ oha nii ye iran uharo ra obọ. Iran keghi gu Kristi gha rrọọ, iran keghi vbe gu ẹe khaemwisẹ zẹ vbe ọba la ukpo arriaisẹn nii.