Matiu 5:9 - Edo Bible (E Baibol Ẹdo) Version 1996

⁹ Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Matiu 5:9 ပူးပေါင်းရင်းမြစ်များ

I Krọnikol 12:17

E Devid keghi bu iran gha khian, ọ tama iran wẹẹ, “A dẹghe te uwa rre zẹ vbe ọse ne uwa do yọmwẹ obọ, I miẹn uwa yi, wa deba ima! Sokpan, dẹghe te uwa mwẹ ọnrẹn vbe ekhọe ne uwa do rhie mwẹ yan eghian mwẹ obọ, egbe ne a rhe ya miẹn wẹ I ma ru uwa emwirhọkpa, Osanobua avbe erha mwẹ odede gha rẹn, ọ ghi rria uwa ikhi.”

Psalm 120:6

Ọ kpee gbe ne I kegha yin, ke emwa ni khuiwu ọfumwegbe

Psalm 34:12

Wẹ ho ne u ya ẹdẹ ruẹ zọmọ ra? U ho utọmwẹ kevbe uwa ra?

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Iyẹn ne ọ Maan Ọghe Luk 20:36

Iran ye vbe avbe odibosa, iran i wulo. Ivbi Osanobua iran khin, rhunmwuda a huẹn iran kpaegbe vbe orinmwi nẹ.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iwinna 7:26

Ẹde ghi gbe ọ keghi do vba ivbi Izrẹl eva gu egbe gbinna, rẹn na wẹ ne irẹn dọlọ iran kugbe, ọ keghi kha wẹẹ, ‘Wa danmwehọ mwẹ, oko, etẹn etẹn wa khin, vbe uwa ghi na ru egbe khọ hẹẹ?’

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

I Kọrinti 6:6

Ne uwa gha na te ru vberriọ, ọtẹn ọkpa ghi mu ọtẹn ọvbehe ye iko, ne iran ni ma yayi gha bu ohiẹn ni.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Filipai 4:2

Yuodia kevbe Sintike, wa lahọ, I rinmwian uwa ne uwa dọlọ kugbe zẹ vbe etẹn ne ikhuo vbe uwu Nọyaẹnmwa.

Kọlose 3:13

Wa gha ye egbe obọ, wa gha ya bọ egbe, deghẹ ọmwaikọmwa kevbe ogieva ẹre gba muan egbe ẹmwẹ, wa ghi gha ya bọ egbe, zẹ vbene Kristi vbe ya bọ uwa.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.