Matiu 5:6 - Edo Bible (E Baibol Ẹdo) Version 1996

⁶ Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Matiu 5:6 ပူးပေါင်းရင်းမြစ်များ

Psalm 107:9

Ọ sa amẹ ne iran ne ohanmwẹ amẹ gbe wọn ọ keghi ya emwi ne ọ maa vuọn iran ne ohanmwẹ gbe ẹko.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Itan 10:24

Emwi ne emwa ẹmwata ho ghi gha sẹ iran obọ, sokpan, emwi ne ohan rẹn mu avbe emwa dan sẹẹ, ọ re iran ra gha miẹn.

Itan 21:21

Gha mwẹ itohan, ghẹ vbe gha ru ero, u gha wa tọ, emwa ọvbehe gha yọghọ nuẹn, iran ghi vbe gha ye obọ esi mu ẹẹn.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Aizaia 66:11

Ọrọkhọrhọ ẹre gha maa sẹ uwa egbe zẹ vbe ọmọ ne ọ wẹn ewẹn iyẹe.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Iyẹn ne ọ Maan Ọghe Luk 1:53

Ọ ye emwi ni maa koko iran ne ohanmwẹ gbe ne ẹko vuọn. Ọ keghi gie iran ni fe fi abọ gha rrie.

Iyẹn ne ọ Maan Ọghe Luk 6:21

Ọ maa ne uwa ne ohanmwẹ gbe nian: Ẹko gha vuọn uwa. Ọ maa ne uwa ni viẹ nian: wa gha giẹ.

Iyẹn ne ọ Maan Ọghe Luk 6:25

Ọ sẹ uwa ne ẹko vuọẹn nian: Ohanmwẹ gha gbe uwa ọ sẹ uwa ni giẹ nian: Wa gha khiẹ, wa gha viẹ.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (

Arhie Maan 7:16

Ohanmwẹ i ghi gbe iran ọvbehe, ohanmwẹ amẹ i ghi vbe gbe iran, ovẹn ra emwi owowo ne ọ rhirhi gha khin, ghi gbe iran ọvbehe.