Matiu 5:41 - Edo Bible (E Baibol Ẹdo) Version 1996

⁴¹ Ewọe iran ni yan ẹvbo gha ya ẹtin ya mu ihẹ ọre la ibiriki ọkpa, wa guee muẹn la ibiriki ogieva.

Matiu 5:41 ပူးပေါင်းရင်းမြစ်များ

Matiu 27:32

Ugbẹn vbe iran ghi ladian, iran miẹn ọmwa Sairin ọkpa ne a tie ẹre Saimọn, iran keghi ya ẹtin mu ẹn ne ọ mu ugbugbe Jesu.

Matiu 5:40

Ọmwa gha muẹn gha rrie iko ba ẹmwẹ ẹwu ne u yọ ke otọ, gie ẹe wa vbe mu ne u yọ ke odukhunmwu ba ẹre.

Matiu 5:42

Ọmwa gha vbuẹ emwi, rhie nẹẹn. Ọmwa gha vbe nọ emwi na mọmọ, rhie nẹẹn mọmọ.

Iyẹn ne ọ Maan Ọghe Mak 15:21

Iran keghi do khian dekun okpia ọkpa ne a tie ẹre Saimọn vbe odẹ, igue ọ re ọ ke die adesẹ ore ẹvbo, iran keghi ya ẹtin mu ẹn ne ọ mu ugbugbe Jesu. (Ovbi e Sairin ọre Saimọn na khin, rẹn ọ re erha Alẹkzanda kevbe Rufọs.)

Iyẹn ne ọ Maan Ọghe Luk 23:26

Iran keghi mu Jesu kpao, iran ghi sẹ odẹ, iran keghi khian vba okpia ọkpa ne a tie ẹre Saimọn, ovbi e Sairin, ne ọ ke igue die adesẹ ore ẹvbo. Iran keghi dekun ẹnrẹn mu, iran mu ugbugbe nii yan rẹn ne ọ gha muẹn lele Jesu odieke dee.

II Kọrinti 5:14

Rhunmwuda, aho ẹmwẹ ọmwa ne Kristi mwẹ ghe mwa, ọre ọ da kha yan mwa, ugbẹn vbe ima ghi do rẹn nẹ nian wẹ, orhiọnkpa wu ne emwa hia, ne ọ rhie maa wẹ, emwa hia mwẹ oghae vbe uwu ẹre.