Matiu 5:39 - Edo Bible (E Baibol Ẹdo) Version 1996

³⁹ Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Matiu 5:39 ပူးပေါင်းရင်းမြစ်များ

I Ọba 22:24

Ere Zedekaia na sikẹ Makaia, ọ na gbe ubi ye ọre aro, ọ wẹẹ, “De ẹghẹ ne orhiọn e Nọyaẹnmwa ghi vbe ya sẹ imẹ rae ya gha gu uwẹ guan yi?”

Job 16:10

Emwa gha niẹn ukpe da mwẹ, iran do lẹga mwẹ, iran kegha gbe ubi yọ mwẹ aro.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 24:29

Ghẹ kha wẹẹ, “I gha ru ẹe vbe ne ọ ru mwẹ ra ma gha ghae ẹre umwọmwẹ!”

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Eve Orriara 3:30

Ọ gha khọn rẹn ne a gbe mwa ra ne a vbe rhovbiẹ mwa wa gie ima hẹko ya egbe miẹn ehia.

Levitikọs 19:18

Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Maika 5:1

Wa ne ivbi e Jerusalẹm, wa khẹ ye egbe! Ghe i ghẹ iran mu okuo gie ima. Iran gha gu ọkaolotu Izrẹl gbinna!

Matiu 5:40

Ọmwa gha muẹn gha rrie iko ba ẹmwẹ ẹwu ne u yọ ke otọ, gie ẹe wa vbe mu ne u yọ ke odukhunmwu ba ẹre.

Iyẹn ne ọ Maan Ọghe Luk 22:64

Iran ghẹ ghi gba ẹre aro nẹ, iran ghi wẹẹ, “Ta ọmwa ne ọ fi uẹ emwi!”

Iyẹn ne ọ Maan Ọghe Luk 6:7

Eso vbe uwu avbe iran ni ma emwa Uhi kevbe avbe Farisi kegha gualọ emwi ne iran gha ya gu Jesu gui, iran keghi rhunmwuda ọnii gha ba Jesu a deghẹ ọ gha sinmwi ọmwa vbe Ẹdẹ Ikẹtin.

Iyẹn ne ọ Maan Ọghe Jọn 18:23

Jesu wanniẹn tama rẹn wẹẹ, “A deghẹ I ta ẹmwẹ dan, tama agbọn ni rre emwa ẹmwẹ ne ọ khin, sokpan a deghẹ ẹmwata ọre I ta ẹe, vbọzẹ ne u na fi mwẹ emwi?”

I Kọrinti 6:7

Ne a na miẹn wẹ wa zẹdẹ mu egbe ye iko hiehie rhie maa ighẹ te emwi hia wa kulo gbe uwa. Wa ma rẹn ighẹ a yagha uwa ọre ọ maa sẹ? Wa ma rẹn ighẹ a gbe uwa miẹn uwa emwi ọre ọ maa sẹ?

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

Hibru 12:4

Rhunmwuda, vbe uwu igbinna ne uwa gu orukhọ gbinna, ọ ma he sẹ egbe ne a ghi na te ra gbele uwa a.

Jems 5:6

Wa bu ohiẹn uwu gbe ne ọ ma ru khọ, wa keghi vbe gbe ẹe rua sokpan, ọ ma vbe gu uwa sinmwi egbe.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.