Matiu 5:37 - Edo Bible (E Baibol Ẹdo) Version 1996

³⁷ Deghẹ ‘Ẹn ẹn’ nọ wẹ ‘Ẹn ẹn’ Deghẹ ‘Ẹn o’ nọ wẹ ‘Ẹn o’ ẹmwẹ ne ọ ghi gberra vberriọ, esu mwẹ obọ vbọ, obọ ọmwa dan ni ọre ọ ke rre.

Matiu 5:37 ပူးပေါင်းရင်းမြစ်များ

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 13:38

Ugbo ne ọ kọ ẹe yi ọrọre agbọn na, emwiokọ ni maa ọrọre emwa ni re ọghe nene Arriọba, ohunhun ọrọre iran ni re ọghe Esu.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Matiu 5:36

Ghẹ ya uhunmwu ruẹn vin ihen rhunmwuda, wẹ iran sẹtin ya eto ọkpa khian nọfua ra nekhui.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Jọn 17:15

I ma wẹ ne u viọ iran hin agbọn na rre, sokpan ne u viọ iran lẹre ne Ọmwa dan nii.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Ẹfisọs 6:16

Dada iyayi ya ru asa mu mwẹ vbe ẹghẹ hia, ọnii ọre u gha ya sẹtin rrọ ẹre ighẹ avbe ifẹnmwẹ erhẹn ne ọka ẹrhia Nii filo.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.

II Tẹsalonaika 3:3

Sokpan ọmwa ne ọ gia mu ẹtin yan ọre Nọyaẹnmwa khin, ọ gha ya uwa wo vbe egbe, ọ ghi vbe miẹn uwa fan vbe obọ Ọmwa Dan nii.

Jems 5:12

Ke odaro ehia, etẹn mwẹ, wa ghẹ gha vẹn ihẹn ya ru eyan. Wa ghẹ ya ẹrinmwi vẹn ihẹn ra agbọn, ra emwi ọvbehe ne ọ rhirhi gha khin. A deghẹ erriọ nọ, wẹ re “Erriọ nọ,” a deghẹ ẹ i re erriọ kha wẹ, “Ẹ i re erriọ.” Ne Osanobua ghẹ miẹn ehe na bu ohiẹn ruẹn.

I Jọn 2:13

I gbẹn ebe gie uwa, wa ne avbe erha emọ, rhunmwuda, wa rẹn ne ọ rrọọ ke omuhẹn gha dee, I gbẹn ebe gie igbama, rhunmwuda wa mu ẹn gbe otọ nẹ ighẹ Ọmwa Dan ni.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.