Matiu 5:34 - Edo Bible (E Baibol Ẹdo) Version 1996

³⁴ Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ.

Matiu 5:34 ပူးပေါင်းရင်းမြစ်များ

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Asan-Ibo 9:2

Ọnii ma si emwi rhọkpa, emwi okpa ọ re ọ rruan ọmwa esi kevbe ọmwa dan, ọmwa ne ọ maa kevbe ne ẹ i maa, iran ni mwẹ ekhọe ugamwẹ Osanobua kevbe iran ni i mwẹ, iran ni zọ ese kevbe iran ni i zọ. Ọghe ọmwa esi ma maa sẹ ọghe ọmworukhọ, ọmwa ne ọ vẹn ihẹn ma maa sẹ ọmwa ne ẹ i vẹn.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Iwinna 7:49

“ ‘Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. Vbe ọ khun owa ne uwa ra bọ mẹ yi? De ehe ne I na hẹwẹ yi?

Jems 5:12

Ke odaro ehia, etẹn mwẹ, wa ghẹ gha vẹn ihẹn ya ru eyan. Wa ghẹ ya ẹrinmwi vẹn ihẹn ra agbọn, ra emwi ọvbehe ne ọ rhirhi gha khin. A deghẹ erriọ nọ, wẹ re “Erriọ nọ,” a deghẹ ẹ i re erriọ kha wẹ, “Ẹ i re erriọ.” Ne Osanobua ghẹ miẹn ehe na bu ohiẹn ruẹn.