Matiu 5:32 - Edo Bible (E Baibol Ẹdo) Version 1996

³² Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.

Matiu 5:32 ပူးပေါင်းရင်းမြစ်များ

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

Iyẹn ne ọ Maan Ọghe Luk 16:18

“Ọmwa ne ọ rhirhi khu amwẹ ọnrẹn, ọna vbe rhie okhuo ọvbehe, ru oghẹ, ọmwa ne ọ rhie okhuo ne a khu, ọ vbe ru oghẹ.

Iyẹn ne ọ Maan Ọghe Luk 9:30

Ikpia eva keghi wa rre vbe udomwurri do gha guee guan, iran na ọre Mosis kevbe Elaija.

Iyẹn ne ọ Maan Ọghe Luk 9:35

Urhu ọkpa keghi ke uwu okuku nii ladian wẹẹ, “Ọnọna ọre Ovbi mwẹ ne I hannọ zẹ, wa miẹn ere ẹmwẹ ye ehọ.”

Ebe ne Pọl gbẹẹn gie emwa Rom 7:3

Ọnii nọ wẹ, okhuo nii gha bu okpia ọvbehe vbe ọdọ ẹre he rre agbọn, a ghi kha wẹ okhuo ne ọ ghẹre nọ, sokpan a deghẹ ọdọ ẹre wu, ẹghẹ nii, egbe ẹre ọre okhuo ni ghi gue, zẹ vbene uhi khare, a deghẹ ọ ghi rọnmwẹ ọdọ ọvbehe, ọ ma ghi ru oghẹe.

I Kọrinti 7:4

Amwẹ ma ghi yan egbe ẹre ọvbehe, sokpan ọdọ ọre ọ yan rẹn, erriọ vbe nọ zẹẹ, ọdọ ma ghi yan egbe ẹre ọvbehe, sokpan amwẹ ọre ọ yan rẹn.

Diuteronomi 24:2

Gia kha wẹ te okhuo nii ghi ya rọnmwẹ okpia ọvbehe.