Matiu 5:25 - Edo Bible (E Baibol Ẹdo) Version 1996

²⁵ “A deghẹ ẹzọ sunu ne uwẹ vbe ọmwa, ọ na muẹn gha rrie iko, adeghẹ ẹkpotọ rrọọ, guẹ ta ẹre ọghe owa ne ọ ghẹ ghi sẹ iko. Ọ gha sẹ iko, ọ gha fiọ ne nọbuohiẹn, nọbuohiẹn ghi rhie ruẹ ne ọgbalegbe, a ghi fian an fi eghan.

Matiu 5:25 ပူးပေါင်းရင်းမြစ်များ

Job 22:21

“E Job, ya dọlọ ne Osanobua ruẹ, ghẹ ghi ka ẹe ye oghian ruẹn; u gha lae vberriọ, ọ gha fiangbe uẹ.

Psalm 32:6

Erriọ ọ re emwa ruẹn ni mudia ẹse hia, gha na erhunmwu ghe ruẹ vbe ẹghẹ a i mwẹ, ẹghẹ ne amẹ orueghe ne ọ bun, gha na gha vẹ rre ẹ i ghi sẹ ehe ne iran ye.

Itan 25:8

Ghẹ gha rhulẹ yo iko ba ẹmwẹ emwi ne arọ ruẹ sẹe. Adeghẹ osẹe ọvbehe ghi do rhan otọ ẹre, a na ghi do miẹn wẹ ohoghe ọ re u ta vbo, vbua ghi ra ru hẹ?

Matiu 26:58

Pita keghi lele ẹre iyeke gbaan ya sẹ ore Ogie Ohẹn. Rẹn keghi la ore, ọ keghi gu iran ni khẹ odẹ tota ne aro ẹre miẹn ehe na sẹ vbene emwi hia gha dee hẹẹ.

Iyẹn ne ọ Maan Ọghe Luk 18:3

Okhuo ne ọ dẹgbẹ ọkpa keghi vbe gha rre ẹvbo nii, ọ na do gha rinmwian ẹn ne ọ miẹn ekhae sẹ ne irẹn wẹẹ, ‘Ran mwẹ vbe obọ oghian mwẹ.’

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Hibru 12:17

Wa rẹnrẹn wẹ, vbe okiekie, ọ keghi te gha ho ne erha ẹe fiangbe irẹn sokpan, a keghi khu ẹe werriegbe rhunmwuda, ọ ma miẹn odẹ ne ọ ya fi emwi ne ọ ru nẹ werriẹ, a gha rhe miẹn wẹ ameve ọ ya gha rinmwian.

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.

Hibru 3:7

Rhunmwuda, zẹ vbene Orhiọn Ne Ọ Huanrẹn ta ẹe, “Wa gha họn urhu Osanobua,