Matiu 5:22 - Edo Bible (E Baibol Ẹdo) Version 1996

²² Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Matiu 5:22 ပူးပေါင်းရင်းမြစ်များ

Gẹnẹsis 37:4

Ugbẹn vbe etiọnrẹn ghi miẹn wẹ erha iran ho ẹmwẹ Josẹf sẹẹ vbene ọ ho ẹmwẹ iran, iran kegha muohu ọtẹn iran sẹrriọ wẹ iran i ghi guẹe ku hiehiere.

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

II Samuẹl 16:7

E Simẹi keghi ya ihẹn yan rẹn, ọ wẹẹ, “Ladian mwa! Ladian mwa! Izigha! Ọrhiaẹvbo!

II Samuẹl 6:20

E Devid keghi dọlegbe gha rrie owa ya tuẹ emwa rẹn. E Mikal ne ovbi e Sọl nokhuo keghi ya khian vba ẹre, ọ tama rẹn wẹẹ, “Ọba Izrẹl wa vbe mu eni ne ọ hin usi ne egbe ẹre ẹrẹna. Ọ na wa bannọ egbe ua ye otọ zẹ vbe ọzuọ vbe odaro eguọmwadia ni ikhuo ọghe avbe emwa ni rre asẹ vbe ototọ ẹre.”

I Ọba 21:4

Ehab kegha rrie owa vbene ekhọe ẹre na rhia, egbe wọ ẹre, rhunmwuda ẹmwẹ ne Nabot tama rẹn. Ọ keghi ya lovbiẹ mu aro da egbekẹn vbe ukpo ẹre, ọ ma rri evbare.

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 19:5

Ọ keghi viọ iran ni bu ohiẹn lele ẹvbo ne a gba odin gaa vbe Juda hia,

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Psalm 109:3

iran vbe ta ẹmwẹ dan vbe ekpa mwẹ, iran gunmwẹ gbinna vbe ne ẹ i na mwẹ otọ.

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 25:3

A i mu emwa ni mu ẹtin yan ruẹn gbotọ sokpan iran ni zẹgiẹgiẹ sọtẹ ruẹ.

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 37:8

Ghẹ rhie otọ ne ohawa ra ohu, ọlọghọmwa ọ re iran si rre.

Psalm 49:10

Aro emwa hia sẹ ọe wẹ avbe umẹwaẹn vbe wulo zẹ vbene akpa vbe abobo vbe ye, iran ghi sẹ ẹfe iran rae ne ivbi iran.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 18:6

Ọzuọ eso gha mu imuaẹmwẹ hẹn, ugbemwẹ ọ re ọ gualọ.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Eve Orriara 3:52

“Avbe eghian mwẹ ne ẹ i mwẹ emwi ne iran rhunmwuda ẹre khuiwu mwẹ, khuẹẹn ifi mu mwẹ zẹvbe ne a mu ahianmwẹ.

Daniẹl 3:13

Ọba ghi họn ẹmwẹ na, ohu mu ẹẹn ẹsẹse ọ na wẹ ne a viọ iran eheha na bu irẹn gha dee.

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Obedaia 1:10

“Rhunmwuda, u rhare, u do izigha avbe etuẹn, ivbi uniẹn Jekọb, a gha fuẹn ruẹn uan, a ghi vbe fa rua ẹdẹdẹmwẹdẹ.

Obedaia 1:12

Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Matiu 10:17

Wa yegbe, rhunmwuda emwa eso gha dekun uwa mu gha rrie iko, a gha vbe gbe uwa asan vbe Ọgua ediọn iran.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 12:24

Avbe Farisi ghi họn, iran wẹẹ, “E Bẹlzibọb ne ọkaolotu avbe orhiọn esu, ọre ọ rhie ẹtin ne ọ ya khulo orhiọn esu ladian nẹẹn.”

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 18:21

Pita keghi bu Jesu gha dee, ọ nọ rẹn wẹẹ, “Inu igba ọre I gha yabọ ọtẹn mwẹ sẹ vbe ọ gha ho mwẹ ẹmwẹ? Igba ihinrọn nọ ra?”

Matiu 18:35

Jesu keghi gbe ẹe wanniẹn wẹẹ, “Erriọ zẹẹ. Erha mwẹ ne ọ rre ẹrinmwi ra ru uwa, adeghẹ dọmwadẹ ọghọe vbe uwu uwa ma fan ekhọe rua yabọ ọtẹn ọnrẹn.”

Matiu 23:15

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi fian okun rra, wa ghi la ẹvbo hoho fo gha gualọ arhin ọkpa kẹkan ne uwa gha ya khian enọyayi, wa ghẹ ghi miẹn nẹ, wa ghi ya ẹe khian ọmwa ne ọ kei ye ẹrinmwi erhẹn ukhukhu eva sẹ egbe uwa.

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 26:59

Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua.

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Matiu 5:34

Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Iyẹn ne ọ Maan Ọghe Mak 14:55

Avbe igie ohẹn kevbe ẹvbo nii, kegha gualọ osẹe ne iran gha sẹ gbe Jesu ne iran miẹn ehe na gbe ẹe rua, sokpan iran ma miẹn.

Iyẹn ne ọ Maan Ọghe Mak 15:1

Vbe owiẹ vbirrivbirri avbe igie ohẹn kevbe avbe ediọn keghi ya gu iran ni ma emwa Uhi kevbe avbe eghaẹvbo do iko ẹgiẹgiẹ, ne iran mwamwa emwi ne iran gha ru. Iran keghi rro eghan ye Jesu obọ, iran na si ẹe bu Pailet.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Iyẹn ne ọ Maan Ọghe Luk 22:66

Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba.

Iyẹn ne ọ Maan Ọghe Jọn 11:47

Rhunmwuda ọnii, avbe Farisi kevbe avbe igie ohẹn keghi ya gu Eghaẹvbo do iko iran wẹ, “Vbe a gha khian emwi na hẹ yi, wa ma miẹn vbe oko na winna iwinna ọyunnuan ni bun hẹe!

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

Iyẹn ne ọ Maan Ọghe Jọn 7:20

Emwa ni gbe ẹbu ye evba tama rẹn wẹẹ, “U mwẹ Orhiọn esu, de ọmwa ne ọ ho ne ọ gbe uẹ ua yi?”

Iyẹn ne ọ Maan Ọghe Jọn 8:48

Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 22:30

Ọkaokuo nii keghi ho ne irẹn rẹn ẹzọ emwi ne avbe Ju mobọ gu Pọl gui. Rhunmwuda ọnii, ẹdẹ ghi gbe, ọna wẹ ne a rhan eghan hin e Pọl egbe rre, ọ na wẹ ne avbe igie ohẹn kevbe iran ni do Iko gha die iko, ọ na do rhie Pọl mudia ye odaro iran.

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 24:20

Ra khekherriọ wẹ ne iran na tama ruẹn ohiẹn ne iran miẹn bu gbe mwẹ ẹghẹ ne I na mudia vbe Iko.

Iwinna 4:15

Rhunmwuda ọnii, iran na wẹ ne iran ladian vbe owa ne a na bu ohiẹn. Iran keghi suẹn gha gu egbe iran zẹ iro.

Iwinna 5:21

Avbe ukọ keghi wa ru vbene ọ tama iran. Ẹdẹ ghi gbe, iran keghi la uwu Ọgua Osa, iran kegha ma emwa emwi. Ogie Ohẹn kevbe ivbi otu ẹre keghi tie ediọn avbe Ju gha die iko ọgbakha, rẹn keghi gie gha rrie ẹwẹdọ ne a ya viọ avbe ukọ nii do mudia ye iran odaro.

Iwinna 5:27

Iran keghi viọ avbe ukọ la owa, iran na viọ iran mudia vbe odaro Iko, Ogie Ohẹn keghi nọ iran ọta:

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.

Iwinna 6:15

Emwa ni rre Iko ni hia ke wa tọn aro ye Stivin egbe, iran keghi miẹn wẹ, ugbaro ẹre wa yevbe ugbaro odibosa.

Iwinna 7:37

Mosis na ọre ọ tama ivbi Izrẹl wẹẹ, ‘Osanobua gha gie akhasẹ gie uwa zẹ vbene ọ vbe gie mwẹ, ovbi uwa ọre irẹn khian gha khin.’

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

I Kọrinti 6:10

Iran ni rhaa, iran ni zuan, iran ni da ayọn gbe egbe, iran ni ta ẹrrẹe ọtakhọ, ra iran ni gbe olighi, ne Arriọba Osanobua gha sẹ ọre obọ, ẹ i rrọọ.

I Kọrinti 6:6

Ne uwa gha na te ru vberriọ, ọtẹn ọkpa ghi mu ọtẹn ọvbehe ye iko, ne iran ni ma yayi gha bu ohiẹn ni.

Diuteronomi 15:11

Ẹghẹ hia ọ re a gha ya gha miẹn ivbi Izrẹl ni re ivbiogue ne ẹ i mwẹ emwi, rhunmwuda ọnii, I ye ẹre iyi ne uwa nian ne uwa gha zẹ emwi obọ ne iran.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

Taitọs 3:2

Tama iran ne iran ghẹ ta ọmwaikọmwa ọtakhọ, sokpan ne iran gha re ne ọ ho ẹmwẹ ọfumwegbe, kevbe ne ọ gu emwa hia ru ọse, kevbe ne iran gha gu emwa hia yin uyinmwẹ ọmẹhẹ.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Jọn 2:9

Ọmwa ne ọ khare ighẹ uwu uwanmwẹ rẹn ye, ọ na gha khuiwu ọtiọnrẹn, uwu ebiebi ọre ọ ye, ye do sẹ wanwan na.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

Ebe ne Jud gbẹẹn 1:9

Maikẹl ne olotu avbe odibo Osa ne a rẹn egbe, ma ru emwi vberriọ. Ẹghẹ ne ẹzọ na sunu ne irẹn vbe Setan, vbe iran muan ẹmwẹ ye ọmwa ne ọ gha mu ikun e Mosis, ohan ma gie Maikẹl ya ihẹn yan Setan ya bu ohiẹn gbẹe, sokpan ọ keghi kha wẹ, “Nọyaẹnmwa ọre ikọ uẹ.”

Arhie Maan 20:14

Iyeke ọnii, a keghi filo uwu, kevbe ẹvbo emwa ni wulo nẹ, ku uwu odighi erhẹn. (Odighi erhẹn na ọrọre uwu ne ogieva.)