Matiu 5:20 - Edo Bible (E Baibol Ẹdo) Version 1996

²⁰ Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Matiu 5:20 ပူးပေါင်းရင်းမြစ်များ

Matiu 16:12

Ẹkpo nii ọre avbe erhuanegbe ghi na do rẹn ighe ẹ i re eyist na ya fian ebrẹd ọre ọ kha ighe iruemwi avbe Farisi kevbe Sadusi ọre ọ kha.

Matiu 18:5

Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Mak 10:25

Ne ọmwa ne ọ fe lao Arriọba Osanobua ọre ọ lọghọ sẹ ne a mu uhunmwu emwi vbe ẹmila la uvun olodẹ gberra.”

Iyẹn ne ọ Maan Ọghe Luk 11:44

Umiẹn agbọn ne uwa ye! Wa yevbe idin ne a ma ye ama yi, emwi ghi gha nanaẹn gberra vbene iran ma na rẹn.”

Iyẹn ne ọ Maan Ọghe Luk 12:1

Ugbẹn vbe emwa ghi wa gbe ẹbu sẹrriọ ne iran gha ye igiawẹ rilo egbe ginna otọ, Jesu keghi ka zẹgiẹ tama avbe erhuanegbe ẹre wẹẹ, “Wa gha begbe vbe egbe ihueka avbe Farisi! Ẹkẹ vbe iwẹnwẹn iran ọre I kha.

Iyẹn ne ọ Maan Ọghe Luk 18:17

Wa ghi yerre, ọmwa ne ọ ma rhan obọ miẹn Arriọba Osanobua zẹ vbe ọvbokhan kherhe, ẹ i sẹtin la uwu ẹre.”

II Kọrinti 3:9

Ugamwẹ ne a ya bu ohiẹn ghe emwa kegha mwẹ uyi, inu inu ọre ugamwẹ ne a ya bu ase ne ọmwa gha ya mwẹ uyi sẹẹ!

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.